ദുല്‍ ഖഅദ മാസത്തിന്‍റെ പ്രാധാന്യം


ഖന്‍ദഖ് (അഹ്സാബ്)യുദ്ധം, ഹുദൈബിയ സന്ധി, നബി (സ)തങ്ങളും അനുചരന്മാരും ഉംറ നിര്‍വ്വഹിക്കാനായി മക്കയിലേക്ക് തിരിച്ചത്….തുടങ്ങിയ സംഭവങ്ങള്‍ ദുല്‍ഖഅദ മാസത്തിലായിരുന്നു 

ഖന്‍ദഖ് (അഹ്സാബ്) യുദ്ധം

ഹിജ്‌റ വര്‍ഷം അഞ്ച്; ശവ്വാല്‍ മാസം അരങ്ങേറിയ ഇസ്‌ലാമിക ചരിത്രത്തിലെ സുപ്രധാന യുദ്ധങ്ങളിലൊന്നാണ് ഖന്ദഖ് യുദ്ധം. ഒരു മാസക്കാലം ശത്രുക്കള്‍ മുസ്ലിംകളെ ഉപരോധിച്ചു. ശവ്വാലില്‍ ആരംഭിച്ചു ദുല്‍ഖഅദയില്‍ അവസാനിച്ചു. ഇബ്നു സഅദ് രേഖപ്പെടുത്തിയതനുസരിച്ച് ദുല്‍ഖഅദയില്‍ ഏഴു ദിവസം ബാക്കിനില്ക്കെ ബുധനാഴ്ചയാണ് പ്രവാചകന്‍ ഖന്‍ദഖ് വിട്ടത്. ശത്രുക്കളെ പ്രതിരോധിക്കാന്‍ മുസ്‌ലിംകള്‍ കിടങ്ങ് കുഴിച്ചിരുന്നതിനാലാണ് യുദ്ധത്തിന് ഖന്ദഖ് എന്ന പേര് വന്നത്. വിവിധ വിഭാഗങ്ങള്‍ പങ്കെടുത്തതിനാല്‍ ഇത് അഹാസാബ് എന്ന പേരിലും അറിയപ്പെട്ടു. ദിവസങ്ങള്‍ നീണ്ടുനിന്ന ഉപരോധം കാരണം ശക്തമായ പരീക്ഷണങ്ങള്‍ക്കു വിധേയമായെങ്കിലും ഒടുവില്‍ മുസ്‌ലിംകള്‍ക്ക് വിജയം വന്നെത്തുകയായിരുന്നു.

ജൂതന്മാര്‍ നടത്തുന്ന പുതിയ യുദ്ധ സന്നാഹങ്ങളെക്കുറിച്ച് പ്രവാചകന് വിവരം ലഭിച്ചു.  പ്രശ്നത്തിന്റെ ഗൌരവാവസ്ഥ മനസ്സിലാക്കി അടിയന്തിരയോഗം വിളിച്ചുചേര്‍ത്തു. കൂടിയാലോചനയില്‍ പ്രതിരോധം എവ്വിധമായിരിക്കണമെന്നു ഗൌരവപൂര്‍വം ചര്‍ച്ച ചെയ്തു. അവസാനം ബുദ്ധിമാനായ സ്വഹാബി പേര്‍ഷ്യക്കാരന്‍ സല്‍മാന്‍ നിര്‍ദേശിച്ച അഭിപ്രായം നടപ്പാക്കാന്‍ ഏകകണ്ഠമായി തീരുമാനമെടുത്തു. സല്‍മാന്‍ പറഞ്ഞു: അല്ലാഹുവിന്റെ ദൂതരേ, ഞങ്ങള്‍ പേര്‍ഷ്യയില്‍ ചുറ്റുഭാഗത്തും കിടങ്ങുകുഴിച്ചുകൊണ്ടാണ് പ്രതിരോധിക്കാറുള്ളത്, ഇത് അറബികള്‍ക്ക് അപരിചിതമായിരുന്ന ഒരു പദ്ധതിയായിരുന്നു.

പ്രവാചകത്വത്തിന്റെ നിദര്‍ശനങ്ങളെന്നോണം ചില അത്ഭുതങ്ങളും ഇത്തരുണത്തില്‍ സംഭവിക്കുകയുണ്ടായി. പ്രവാചകന് കഠിനമായ വിശപ്പനുഭവപ്പെടുന്നതുകണ്ട ജാബിര്‍ബിന്‍ അബ്ദുല്ല ഒരു ആടിന്‍ കുട്ടിയെ അറുത്ത് ഒരു സ്വാഅ് തൊലിക്കോതമ്പുകൊണ്ട് ഭക്ഷണവും പാകം ചെയ്ത് പ്രവാചകനെ അത് കഴിക്കാന്‍ രഹസ്യമായി ക്ഷണിച്ചു. പ്രവാചക തിരുമേനി ആയിരം വരുന്ന അനുയായികളുമായി അങ്ങോട്ടു പുറപ്പെട്ടു. അവരെയെല്ലാം വയറുനിറയെ ഊട്ടിയിട്ടും മാംസവും മാവും പാത്രത്തില്‍ അതേപോലെ ബാക്കിനില്ക്കുന്നു! നുഅ്മാനുബിന്‍ ബശീറിന്റെ സഹോദരി കൊണ്ടുവന്ന ഈത്തപ്പഴവും അവിടുന്നു ഇതുപോലെ പെരുപ്പിച്ച് ഖന്‍ദഖിലുള്ള എല്ലാവര്‍ക്കും വിതരണം ചെയ്യുകയുണ്ടായി. ഇതിലും അത്ഭുതകരമായിരുന്നു ജാബിറില്‍നിന്ന് ബുഖാരി ഉദ്ധരിക്കുന്ന സംഭവം: ഖന്‍ദഖ് ദിവസം കിടങ്ങു കുഴിക്കുമ്പോള്‍ ഒരു വലിയ പാറപ്രത്യക്ഷപ്പെട്ടു. അവര്‍ പ്രവാചകനെ സമീപിച്ചു പ്രശ്നം അദ്ദേഹത്തോടു പറഞ്ഞു അവിടുന്നു പറഞ്ഞു: അത് ഞാന്‍ ഇളക്കിത്തരാം എന്നുപറഞ്ഞുകൊണ്ട് പിക്കാസെടുത്ത് ആഞ്ഞുവെട്ടിയപ്പോള്‍ അത് വെറും മണല്‍ തരികളായിമാറി!’

ഖന്‍ദഖ്, ശക്തിയായ ഏറ്റുമുട്ടലുകളൊന്നുമില്ലാതെ മുസ്ലിംകള്‍ വിജയം കൊയ്ത യുദ്ധമാണ്. ഇസ്ലാമിക ചരിത്രത്തിലെ സുപ്രധാന യുദ്ധം. ഇത്, അറബികളുടെ ഏത് വന്‍ ശക്തിക്കും മദീനയില്‍ വേരുപിടിച്ചുവരുന്ന നവ ശക്തിയെ പിഴുതെറിയാന്‍ ഒരു വിധേനയും സാധ്യമാവുകയില്ലായെന്ന് തെളിയിക്കുന്നതായിരുന്നു. കാരണം ഇതിലും വലിയ ഒരു സന്നാഹം അറബികള്‍ക്ക് ഇനി ഒരുക്കാന്‍ കഴിയുമായിരുന്നില്ല. അതുകൊണ്ടാണ് യുദ്ധാനന്തരം പ്രവാചകന്‍ പ്രഖ്യാപിച്ചത്: ‘ഇനി നാം അവരോടു യുദ്ധം ചെയ്യും അവര്‍ ഇങ്ങോട്ട് യുദ്ധം ചെയ്യില്ല. നാം അവരിലേക്ക് അങ്ങോട്ട് ചെല്ലുകയായിരിക്കും ഇനി.” 

ഖന്തക്ക് യുദ്ധസമയത്ത് കിടങ്ങ് കുഴിക്കവേ നബി മൂന്നു കാര്യങ്ങള്‍ പ്രവചിക്കുകയുണ്ടായി:-“ മുസ്ലിംകള്‍ സിറിയ കീഴടക്കും. മുസ്ലിംകള്‍ പേര്‍ഷ്യ കീഴടക്കും.മുസ്ലിംകള്‍ യെമന്‍ കീഴടക്കും.” (നസാഇ 2: 56) സ്വന്തം നാട്ടില്‍ പോലും സുരക്ഷിതന്‍ അല്ലാത്ത സമയത്താണ് ഈ പ്രവചനം എന്നോര്‍ക്കുക.. പേര്‍ഷ്യ കീഴടക്കും എന്ന് പലപ്പോഴും, അതും അനുയായികളായി വിരലില്‍ എണ്ണാവുന്നവര്‍ മാത്രമുള്ള കാലത്തും നബി പ്രവചിച്ചതായി ചരിത്രങ്ങളില്‍ കാണാം.. അന്നത്തെ ലോകശക്തികള്‍ ആയിരുന്നു പേര്‍ഷ്യയും സിറിയയും. ചരിത്രത്തെ ഞെട്ടിച്ചു കൊണ്ട് ആ പ്രവചനങ്ങള്‍ സത്യമാകുന്നതു ലോകം കണ്ടു..

ഹുദൈബിയ സന്ധി

ഹിജ്റ ആറാം വര്‍ഷത്തില്‍ നബി(സ്വ) സ്വഹാബികളൊന്നിച്ച് ഉംറ നിര്‍വഹിക്കാനായി മദീനയില്‍ നിന്നു മക്കയിലേക്കു പുറപ്പെട്ടു. വിവരമറിഞ്ഞ ഖുറൈശികള്‍ മക്കയില്‍ സമ്മേളിച്ച് നബി(സ്വ)യെ ഏതുവിധേനയും തടയാന്‍ തീരുമാനിച്ചു. നബി(സ്വ) ആ രംഗത്തെ ശാന്തവും ഗംഭീരവുമായി കൈകാര്യം ചെയ്തു. അങ്ങനെയാണ് ഹുദൈബിയ സന്ധിയുണ്ടായത്. സന്ധി വ്യവസ്ഥയനുസരിച്ച് നബി(സ്വ)യും സ്വഹാബികളും യാത്ര അവസാനിപ്പിച്ച് മദീനയിലേക്ക് തിരിച്ചുപോന്നു.
മദീനയിലെത്തിയ ശേഷം നബി(സ്വ) പ്രബോധന വഴിയില്‍ ശ്രദ്ധേയമായ ചില കാര്യങ്ങളിലേര്‍പ്പെട്ടു. അയല്‍രാജ്യങ്ങളിലേക്ക് കത്തുമായി ദൂതന്മാരെ അയച്ചു. അനുഭാവ പൂര്‍വമായ പ്രതികരണങ്ങളുണ്ടായി. വ്യത്യസ്ത നാടുകളില്‍ നബി(സ്വ)യെക്കുറിച്ചുള്ള ചര്‍ച്ചകള്‍ നടക്കുന്നതിന് ഇതു കാരണമായി. ഹിജ്റയില്‍ പങ്കെടുക്കാന്‍ സാധിക്കാതിരുന്ന ദുര്‍ബലരായ പലരും മദീനയിലേക്ക് വരികയും അതിനെ തുടര്‍ന്നു ഇരുപക്ഷത്തുമുണ്ടായ ചില പ്രയാസങ്ങളുടെ പേരില്‍ ഇടക്ക് സന്ധി വ്യവസ്ഥയില്‍ ചില മാറ്റങ്ങള്‍ വരുത്തുകയും ചെയ്തു. അതു സത്യവിശ്വാസികള്‍ക്ക് ഗുണകരവുമായിരുന്നു.

Impotant days of this Month

Impotant days of this Month

മര്‍ഹൂം ഇ.കെ ഹസ്സന്‍ മുസ്ലിയാരെ ഓര്‍ക്കുമ്പോള്‍……!


മര്‍ഹൂം ഇ.കെ ഹസ്സൻ മുസ്‌ലിയാർ

വരക്കല്‍ മുല്ലകോയ തങ്ങളുടെ പിതാമഹന്‍ സയ്യിദ്‌ അലി ഹാമിദ് ബാ അലവി തങ്ങളുടെ കൂടെ ഒരു സേവകനായി കേരളത്തിലെത്തിയ പണ്ഡിതനായിരുന്നു മുഹമ്മദ്‌ കോയ മുസ്ലിയാര്‍. കോഴികോട് സയ്യിദ്‌ അവര്കള്‍ പ്രവര്ത്തനം കേന്ദ്രീകരിച്ച സ്ഥലം പുതിയ അങ്ങാടിയായി മാറി. അങ്ങിനെ അവിടെ പുതിയങ്ങാടി എന്നായി അറിയപെട്ടു. കേരളത്തില്‍ നിന്ന് വിവാഹം ചെയ്തു ഇവിടെ തന്നെ താമസമാക്കിയ തങ്ങളുടെ കൂടെ മുഹമ്മദ്‌ കോയ എന്നവരും താമസിച്ചു പുതിയങ്ങാടി സെയ്യിതന്മാര്‍ ആ മഹാ പണ്ഡിതനെ വളരെയേറെ ആദരിച്ചു. അന്ത്യവിശ്രമത്തിനായി അവരുടെ മഖ്‌ബറകള്‍ക്ക്  മദ്ധ്യേ സ്ഥലവും നല്കി. അദ്ദേഹം പുതിയങ്ങാടി സാദാത്തുകള്‍ക്കിടയിലാണ് അന്ത്യവിശ്രമം കൊള്ളുന്നത്‌.

യമനിൽ വേരുകളുള്ള മുഹമ്മദ്‌ കോയ മുസ്ലിയാരുടെ പുത്രനായ അബൂബക്കര്‍ എന്ന പണ്ഡിതവര്യന്റെ മകനായിരുന്നു  എഴുത്തച്ചന്‍ കണ്ടി വീട്ടില്‍ കോയട്ടി മുസ്ലിയാര്‍ . പ്രമുഖ പന്ധിതനും സൂഫി വര്യനുമായിരുന്ന കോയക്കുട്ടി മുസ്‌ല്യാരുടേയും ഫാത്തിമ ബീവിയുടേയും ആറാമത്തെ മകനായി ഇ.കെ ഹസ്സൻ മുസ്‌ലിയാർ 1926-ല്‍ കോഴിക്കോട് പറമ്പിൽകടവിൽ ഭൂജാതനായി. ഇ കെ അബൂബക്ക൪ മുസ്ലിയാ൪, ഇ.കെ ഉമർ മുസ്‌ലിയാർ, ഇ.കെ ഉസ്മാൻ മുസ്‌ലിയാർ, ഇ.കെ അലി മുസ്‌ലിയാർ, ഇ.കെ അഹ്മദ്‌ മുസ്‌ലിയാർ മുറ്റിച്ചൂർ,  ഇ.കെ അബ്ദുള്ള മുസ്‌ലിയാർ എന്നിവർ സഹോദരന്മാരും ആമിന ആയിഷ എന്നിവർ സഹോദരിമാരുമാണ്.

ഇ കെ തറവാട്

ഏഴു പണ്ഡിത കേസരികള്‍ക്ക് ജന്മം നല്‍കിയ ഇ കെ തറവാട്

പ്രാഥമിക പഠനം പിതാവില്‍ നിന്ന് കരസ്ഥമാക്കിയ ശേഷം ചെറുമുക്ക്‌, കോട്ടുമല, ഇടപ്പള്ളി, തളിപ്പറമ്പ്, പാറക്കടവ്‌, മങ്ങാട്ട്‌ എന്നിവിടങ്ങളില്‍ ഓതിപ്പഠിച്ചു. ജേഷ്‌ഠസഹോദര൯ മ൪ഹൂം ഇ കെ അബൂബക്ക൪ മുസ്ലിയാ൪, കോട്ടുമല അബൂബക്ക൪ മുസ്ലിയാ൪, ഇടപ്പള്ളി അബൂബക്ക൪ മുസ്ലിയാ൪, കുറ്റിക്കാട്ടൂ൪ ഇമ്പിച്ചാലി മുസ്ലിയാ൪ തുടങ്ങിയവര്‍ ഗുരുനാഥന്മാരായിരുന്നു   വെല്ലൂ൪ ബാഖിയാത്തില്‍ നിന്ന് ഉപരിപഠനത്തിനു ശേഷം  കോഴിക്കോട്‌ ജില്ലയിലെ ഇയ്യാട്, ഉരുളിക്കുന്ന്, മലപ്പുറം ജില്ലയിലെ പുത്തൂപാടം, തൃപ്പനച്ചി, ഇരുമ്പുചോല എന്നിവിടങ്ങളിലും പാലക്കാട്‌ ജന്നത്തുല്‍ ഉലൂം, കാസ൪ക്കോട് മാലികുദ്ദീനാ൪ എന്നിവിടങ്ങളിലും സേവനം ചെയ്തു. ജന്നത്തുല്‍ ഉലൂമിന്റെയും കാസ൪ക്കോട് ദീനാരിയ്യ അറബിക് കോളജിന്റെയും സ്ഥാപകനുമായിരുന്നു

ഈ തറ ചരിത്രം ഉറങ്ങുന്ന ഈ(ഇ കെ തറവാട്) ഭവനത്തിലെ ഒരു പ്രത്യേക സ്ഥാനമാണുള്ളത് ആത്മീയ കേരളത്തിന്റെ കെടാവിളക്കുകള്‍, സമസ്തയുടെ സാരഥികള്‍, പണ്ഡിത സാദാത്തുക്കള്‍, സി എം വലിയുല്ലാഹി തുടങ്ങിയവര്‍ വിശ്രമിക്കുകയും അന്തിയുറങ്ങുകയും ചെയ്തിരുന്ന സ്ഥലം

ഈ തറ ചരിത്രം ഉറങ്ങുന്ന ഈ(ഇ കെ തറവാട്) ഭവനത്തിലെ ഒരു പ്രത്യേക സ്ഥാനമാണുള്ളത് ആത്മീയ കേരളത്തിന്റെ കെടാവിളക്കുകള്‍, സമസ്തയുടെ സാരഥികള്‍, പണ്ഡിത സാദാത്തുക്കള്‍, സി എം വലിയുല്ലാഹി തുടങ്ങിയവര്‍ വിശ്രമിക്കുകയും അന്തിയുറങ്ങുകയും ചെയ്തിരുന്ന സ്ഥലം

സുന്നീ കൈരളിയുടെ ഗര്ജ്ജിക്കുന്ന സിംഹമായിരുന്ന ആ  ആദര്‍ശ തേരാളി നിരുപമമായ   സമര്‍ത്ഥന പാടവം കൊണ്ട് ബിദഈ കേന്ദ്രങ്ങളില്‍ ഇടിനാഥം സൃഷ്ടിച്ച മഹാ പണ്ഡിതവര്യരായിരുന്നു മര്‍ഹൂം ഇ.കെ ഹസ്സൻ മുസ്‌ലിയാർ. പണ്ഡിതര്‍ക്കുണ്ടായിരിക്കേണ്ട ധീരതയും സത്യസന്ധതയും ആത്മാര്‍ഥതയും പുറമെ ത്യാഗ സന്നതയും വിനയവും തുടങ്ങി സല്ഗുണങ്ങള്‍ ഒത്തിണങ്ങിയ ഒരു പ്രതിഭയായിരുന്നു, താന്‍ വിശ്വസിക്കുന്ന കാര്യങ്ങള്‍ അത് ആരുടെ മുമ്പിലും ഒറക്കെ പറയുവാനുള്ള ധൈര്യവും എടുത്തു പറയേണ്ടതാണ് കാര്യങ്ങള്‍ പറയുമ്പോല്‍ വിമര്ശകര്‍ എന്ത് വിചാരിക്കും എന്നതിനെ കുറിച്ച് അദ്ധേഹം ഭയപെടാറുണ്ടായിരുന്നില്ല.

ഒരിക്കല്‍ പാലക്കാട്‌ ജന്നതുല്‍ ഉലൂം അറബിക് കോളേജില്‍ സേവനം ചെയ്തിരുന്ന സമയത്ത്   പ്രിന്‍സിപ്പാളെ അന്വേഷിച്ചു ഒരാള്‍ വന്നു. സബ്കിലയിരുന്നതിനാല്‍ കാത്തിരിക്കാന്‍ പറഞ്ഞു. സബ്ക് കഴിഞ്ഞിറങ്ങിയപ്പോഴാണ്‌ തന്നെ കാത്തിരിക്കുന്നത് മുതലമട ശൈഖുന ആണെന്നറിഞ്ഞത്. യ്ഖീനാകുന്നത് വരെ നിസ്കരിച്ചാല്‍ മതിയെന്ന് പറഞ്ഞു കുറെ പേരുടെ ഈമാന്‍ തെറ്റിച്ചയാളാണ് ഈ കള്ളശൈഖ്. അയാളുടെ ദുര്ബോധനങ്ങള്‍ക്കെതിരെ അനേകം വേദികളില്‍ തന്‍ രോഷത്തോടെ പ്രതികരിച്ചിട്ടുണ്ട്. ഇപ്പോള്‍ സംസാരിച്ചു ഒത്തു തീര്പ്പാക്കാന്‍ വന്നതാണ്‌. മുതലമാടക്കരനാണ് എന്നറിയേണ്ട താമസം ശൈഖുന ഒരലര്‍ച്ചയായിരുന്നു; “നീ അള്ളാഹുവിന്റെ ശത്രുവാണ് , നീ കാരണം ഇവിടെ അദാബിറങ്ങും, പൊയ്ക്കോ !” അതായിരുന്നു ശൈഖുനാ ഇ.കെ ഹസന്‍ മുസ്ലിയാര്‍

ശംസുല്‍ ഉലുമ ഇ കെ അബൂബക്ക൪ മുസ്ലിയാ൪, കമാലുദ്ധിന്‍ ഇ.കെ ഉമർ മുസ്‌ലിയാർ,ശൈഖുനാ  ഇ.കെ അഹ്മദ്‌ മുസ്‌ലിയാർ മുറ്റിച്ചൂർ, ശൈഖുന ഇ.കെ അബ്ദുള്ള മുസ്‌ലിയാർ

ശംസുല്‍ ഉലുമ ഇ കെ അബൂബക്ക൪ മുസ്ലിയാ൪, കമാലുദ്ധിന്‍ ഇ.കെ ഉമർ മുസ്‌ലിയാർ,ശൈഖുനാ ഇ.കെ അഹ്മദ്‌ മുസ്‌ലിയാർ മുറ്റിച്ചൂർ, ശൈഖുന ഇ.കെ അബ്ദുള്ള മുസ്‌ലിയാർ

വഹാബികളുടെ കണ്ണിലെ കരടായിരുന്ന പറവണ്ണമൊയ്തീ൯ കുട്ടി മുസ്ലിയാരുടെയും പതി അബ്ദുല്‍ ഖാദി൪ മുസ്ലിയാരുടെയും പി൯ഗാമിയായിട്ടാണ്‌ ഹസ൯ മുസ്ലിയാ൪ സേവന രംഗത്തെത്തുന്നത്. പ്രഗല്ഭാനായ പണ്ഡിത൯, നിസ്വാ൪ഥനായ പ്രവ൪ത്തക൯, നിലവാരമുള്ള പ്രസംഗക൯, ഫലം ചെയ്യുന്ന ഉപദേശക൯, മാതൃകാപുരുഷ൯, വാത്സല്യനിധിയായ ഉസ്താദ്‌, കഴിവുറ്റ എഴുത്തുകാര൯……. എല്ലാമായിരുന്നു ഹസ൯ മുസ്ലിയാ൪. അസ്ത്രം കണക്കെയുള്ള വെല്ലുവിളി എതിരാളികള്‍ പലപ്പോഴും അദ്ദേഹത്തിന്‍റെ മുന്നില്‍ സ്തംഭിച്ചു പോയിട്ടുണ്ട്.  കൊടിയത്തൂരും വാഴക്കാട്ടും ചെറുവാടി മണല്പുതറത്തും ചേകന്നൂ൪ മൌലവിയുമായി സംവാദത്തില്‍ എ൪പ്പെട്ടു. നിസ്കാരം മൂന്നു വക്താണെന്നു സമ൪ത്ഥിക്കാ൯ ചേകന്നൂ൪ കണ്ടെത്തിയ തെളിവ്‌ തന്നെയായിരുന്നു ഹസ൯ മുസ്ലിയാ൪ക്കും ആധാരം. ഈ സംവാദങ്ങള്‍ക്ക് ശേഷം ഹസ൯ മുസ്ലിയാരുടെ മരണം വരെ ചേകന്നൂ൪ സംവാദ രംഗത്ത്‌ പ്രത്യക്ഷപ്പെട്ടില്ല. മത വിഷയത്തില്‍ ആരുടെയെങ്കിലും പ്രശംസയോ ആക്ഷേപമോ മുഖവിലക്കെടുത്തില്ല. കാര്യങ്ങള്‍ ആരുടെ മുമ്പിലും വെട്ടിത്തുറന്നു പറഞ്ഞു.

മര്‍ഹൂം ഇ.കെ ഹസ്സൻ മുസ്‌ലിയാരുടെ മകന്‍ ഇ.കെ മുഹമ്മദ്‌ കോയ സഖാഫി

മര്‍ഹൂം ഇ.കെ ഹസ്സൻ മുസ്‌ലിയാരുടെ മകന്‍ ഇ.കെ മുഹമ്മദ്‌ കോയ സഖാഫി

സുന്നത് ജമാഅത്തിന്റെ ആദര്ശത്തിനെതിരെ മുരടനക്കുന്നത് എത്ര വലിയ കൊലകൊമ്പനായാലും ഇത്തിരിയും ഭീതിയില്ലാതെ ആഞ്ഞടിക്കുന്ന പ്രകൃതം. ’നിങ്ങളുടെ കയ്യില്‍ ആയിരം ചോദ്യമുണ്ടെങ്കില്‍ എന്റെ കയ്യില്‍ ആയിരം ഉത്തരമുണ്ട്.’ ആ പറഞ്ഞതില്‍ ലവലേശം പതിരുണ്ടായിരുന്നില്ല. അചഞ്ചലമായ വിശ്വാസവും അതിശയിപ്പിക്കുന്ന ഓര്‍മ്മശക്തിയും ദൃഢമായ ഇഖ്ലാസും അപാരമായ അര്‍പ്പണ ബോധവും ശൈഖുനായെ എല്ലാവരില്‍ നിന്നും വ്യത്യസ്തനാക്കി.

ബിദ്അത്തിനോടു അല്പവും മമത കാട്ടാന്‍ ശൈഖുനാ തയ്യാറായില്ല. ഒഴിവുകിട്ടുമ്പോഴെല്ലാം ബിദ്ഇകളെ നേരിടാന്‍ ശിഷ്യര്‍ക്ക് പ്രത്യേക പരിശീലനം നല്കാനും ശൈഖുന മറന്നില്ല. ഒരു ദിവസം പോലും ദര്സ് മുടങ്ങാതിരിക്കാന്‍ ശൈഖുന അതി സാഹസം കാണിക്കാറുണ്ടായിരുന്നു. എത്ര പ്രയാസപ്പെട്ടും കിട്ടുന്ന വണ്ടി കയറി എത്ര ദൂരദേശത്താണെങ്കിലും സുബ്ഹി ആകുമ്പോഴെക്ക് പള്ളിയില്‍ തിരിച്ചെത്തും. പലപ്പോഴും ചരക്ക് ലോറിയിലോ കാളവണ്ടിയിലോ കയറിയും കിലോമീറ്ററുകളോളം നടന്നുമൊക്കെയാണ് ആ വരവ്.

കേരളത്തിന്‍റെ പണ്ഡിത തേജസായിരുന്ന ശൈഖുനാ ഇ.കെ.ഹസ്സന്‍ മുസ്ലിയാര്‍ രോഗശയ്യയില്‍ ഹോസ്പിറ്റലില്‍ കിടക്കുമ്പോള്‍ വേദനിപ്പിച്ച ഒരു സംഭവമുണ്ടായി: തന്‍റെ ജീവിതത്തേയും വിശ്വാസത്തേയും അവമതിക്കുകയും അപമാനിക്കുകയും ചെയ്തുകൊണ്ട് ‘നിങ്ങള്‍ മുസ്ലിം ആകണം കാഫിറായി മരിക്കരുത്‌’ എന്ന സന്ദേശം എഴുതി മുജാഹിദു നേതാവായിരുന്ന ഉമര്‍ മൌലവി കൊടുത്തുവിട്ട  കത്തായിരുന്നു. എന്നാല്‍ ഇന്ന് നമുക്ക് മുമ്പില്‍ ആ ശൈഖനായുടെ കറാമത്തായി  പുലര്‍ന്നത്  കത്തയച്ച  മുജാഹിദ്‌ മൗലവിയുടെ മകന്‍ ബഷീര്‍ മാസ്റ്റര്‍ കാഫിറായി  സ്വാമിയായി മാറിയ ദുരവസ്ഥയാണ് അദ്ദേഹത്തിന്റെ മകന് മാത്രമല്ല ആ  മൗലവിയുടെ പ്രസ്ഥാനത്തിനും  ഇന്ന് അതേ അവസ്ഥയാണ്. മറ്റുള്ളവരെ മുശിരിക്കും കാഫിറുമാക്കി നടന്നവര്‍ ഇന്ന് പരസ്പരം മുശിരിക്കും കാഫിറുമാക്കി പരസ്പരം പോരടിക്കുന്ന കാഴ്ച.

പറമ്പില്‍ കടവ്‌ ജുമാമസ്ജിദും  ഇ.കെ ഹസ്സൻ മുസ്‌ലിയാരുടെ മഖ്ബറയും

പറമ്പില്‍ കടവ്‌ ജുമാമസ്ജിദും ഇ.കെ ഹസ്സൻ മുസ്‌ലിയാരുടെ മഖ്ബറയും

പഴയകാല സുന്നീ പ്രസിദ്ധീകരണമായിരുന്ന സുബുലുസ്സലാം, അല്ജലാല്‍, സുന്നി ടൈംസ്, സുന്നി വോയ്സ് എന്നിവയിലൂടെ പഠനാ൪ഹമായ ലേഖനങ്ങളെഴുതി. അല്‍ ജലാലിന്റെ പത്രാധിപരായിരുന്നു ഹസ൯ മുസ്ലിയാ൪. അദ്ദേഹത്തിന്റെ ചില ലേഖനങ്ങള്‍ വിവാദമുയ൪ത്തി. ‘സുന്നികളുടെ വലിയ പെരുന്നാള്‍’ ‘നിസ്കാരം സുന്നികള്ക്ക് മാത്രം’ എന്നിവ അവയില്‍ ചിലതാണ്. മൌദൂദി വാദങ്ങളെ ഖണ്ഡിച്ചുകൊണ്ടെഴുതിയ വ്യാജദൂത൯, വിവാദമായ വെള്ളിയഞ്ചേരി ഖുതുബ കേസിനോടനുബന്ധിച്ച് ഖുതുബ പരിഭാഷ പാടില്ലെന്ന ഹസ൯ മുസ്ലിയാരുടെ സമ൪ഥനവും പരിഭാഷ ആവാം എന്ന എടവണ്ണ എ അലവി മൌലവിയുടെ വാദവും ഖുതുബ ഇതര ഭാഷകളില്‍ ഓതുന്നതിന് തെളിവില്ലാത്തതിനാല്‍ അറബിയില്‍ തന്നെ ആകണമെന്ന പെരിന്തല്മണ്ണ മുന്സിഫിന്റെ വിധിയും അടങ്ങിയ തഹ് രീമുത്ത൪ജമാ, ഖുതുബ പരിഭാഷ ഹറാമാണെന്ന് സമ൪ഥിക്കുന്ന പഞ്ച ലകഷ്യങ്ങള്‍ തുടങ്ങി അരഡസ൯ പ്രസിദ്ദീകരണങ്ങള്‍ വെളിച്ചം കണ്ടിട്ടുണ്ട്. 1982ആഗസ്റ്റ്‌ 14ന് (ശവ്വാല്‍ 25) ആയിരുന്നു ആ പണ്ഡിത തേജസ്‌ ഇഹലോകത്തോട്‌ വിടപറഞ്ഞത്‌, പറമ്പില്‍ കടവ്‌ ജുമാമസ്ജിദ് അങ്കണത്തിലാണ് ഖബ൪.

സ്മരണകള്‍ പുതുക്കി വീണ്ടുമിതാ ഒരു  ശവ്വാല്‍ 25, ആ പണ്ഡിത സ്രേഷ്ടരെ ഇവിടെ സ്മരിക്കുന്നു, അവര്‍ക്കും നമ്മുക്കും മഗ്ഫിറത്തിന് വേണ്ടി ദുആ ചെയ്യല്‍  വളരെ പുണ്യമായതിനാല്‍, അതിന്നായി ഇതിനെ സമര്‍പ്പികുകയാണ്. സര്‍വ്വ ശക്തന്‍ ആ മഹാന്‍റെ കൂടെ നമ്മളേയും അവന്‍റെ ജന്നാത്തുല്‍ ഫിര്‍ദൗസില്‍ ഒരുമിച്ചു കൂട്ടുമാറാകട്ടെ (ആമീന്‍ )

മക്കളെ പോറ്റുന്ന മാതാപിതാക്കളറിയുവാന്‍ …!.

By Muslim Ummath Posted in Islamic
Gallery

ആ മഹാനെ ഓര്‍ക്കുമ്പോള്‍….!

This gallery contains 7 photos.


അസ്സയ്യിദ് മുഹമ്മദ്‌ ഇബ്നു അലവി അല്‍ മാലികി (റ) (1947-2004) സൗദി അറേബിയിലെ   പ്രമുഖ പണ്ഡിതനും സൂഫി വര്യനും സെയ്യിദ്  കുടുംബത്തിലെ കണ്ണിയുമായിരുന്ന ശൈഖ്: അസ്സയ്യിദ്  മുഹമ്മദ്‌  ഇബ്നു അലവി അല്‍ മാലികി (റ) നമ്മോട് വിട പറഞ്ഞു പോയിട്ട്  10  ആണ്ടു പിന്നിടുകയാണ്.  ഇത്  പോലൊരു  പുണ്യ റമളാന്‍  മാസത്തില്‍  നോമ്പ്  15-നു വെള്ളിയാഴ്ച ദിവസത്തിലായിരുന്നു ആ മഹാനുഭാവന്‍ നമ്മെ വിട്ടു പിരിഞ്ഞത്.  ധാരാളം പണ്ഡിത … Continue reading

ശഹ്റു റമളാന്‍ പുണ്യങ്ങളുടെ പൂക്കാലം….


ശഹ്റു റമളാന്‍  പുണ്യങ്ങളുടെ പൂക്കാലം….

വിശ്വാസികള്‍ക്ക് ആവേശവും ആഹ്ളാദവും സമ്മാനിച്ചുകൊണ്ടു  മുസ്ലിം മാനസങ്ങളില്‍ ഒരാത്മിക വിചിന്തനത്തിനുള്ള സന്ദേശമോതിക്കൊണ്ട് അതിരുകളില്ലാത്ത അനുഗ്രഹവര്‍ഷങ്ങളുമായി പുണ്യങ്ങളുടെ പൂക്കാലമായ പരിശുദ്ധ റമളാന് ഒരിക്കല്‍കൂടി വരവായി. വൃത ശുദ്ധിയുടെ പുണ്യദിനരാത്രങ്ങളെ ആരാധനകള്‍ കൊണ്ട് സജീവമാക്കാന്‍ വിശ്വാസികള്‍  ആത്മീയാവേശത്തോടെ  ഒരുങ്ങി കഴിഞ്ഞു,

നബി(സ) പറയുന്നു: ‘വിശ്വാസത്തോടും പ്രതിഫലകാംക്ഷയോടുംകൂടി ഒരാള്‍ റമളാന്‍ നോമ്പനുഷ്ഠിച്ചാല്‍ അവന്റെ ഗതകാലദോഷങ്ങള്‍ പൊറുക്കപ്പെടും. നോമ്പുകാരന്റെ വായയുടെ വാസന അല്ലാഹുവിന്റെ അടുക്കല്‍ കസ്തൂരിയേക്കാള്‍ സുഗന്ധമുള്ളതാകുന്നു. തീര്‍ച്ചയായും സ്വര്‍ഗത്തില്‍ റയ്യാന്‍ എന്ന് പേരുള്ള ഒരു കവാടമുണ്ട്. നോമ്പനുഷ്ഠിച്ചവര്‍ക്ക് മാത്രമേ ഇതിലൂടെ പ്രവേശനമുള്ളൂ’ (ബുഖാരി, മുസ്ലിം).

പരിശുദ്ധറമളാന്റെ രാപ്പകലുകള്‍ പാപമോചനത്തിന്റെ വിലപ്പെട്ട നിമിഷങ്ങളാണ്. പാപമോചനത്തിന്റെ ഈ സുവര്‍ണാവസരം ഉപയോഗപ്പെടുത്താന്‍ എല്ലാവര്‍ക്കും കഴിയണം.

“റമളാനില്‍ പ്രത്യേകമായി ലഭിക്കുന്ന പ്രതിഫലങ്ങളെ കുറിച്ച് അടിമകള്‍ അറിഞ്ഞിരുന്നുവെങ്കില്‍ കൊല്ലം മുഴുവനും റമളാന്‍ ആയിരുന്നെങ്കില്‍…. എന്ന് അവര്‍ ആഗ്രഹിക്കുമായിരുന്നു” (ഇബ്നു ഖുസൈമ).

വ്രതം ഒരു പരിചയാണെന്നാണ് തിരുനബി(സ്വ) പറഞ്ഞത്. ഭോഗ ഭോജ്യാദികളൊഴിവാക്കുക, ഇന്ദ്രിയങ്ങളെ നിയന്ത്രിക്കുക, ആത്മ സംസ്കൃതി നേടുക, മനസ്സിന്റെ ദുര്‍ഗുണങ്ങളില്‍ നിന്നു മുക്തി വരിക്കുക. ഇതാണ് വ്രത ലക്ഷ്യം. ഇത് നേടാന്‍ കഴിയാത്ത നോമ്പുകാരന് വിശപ്പും ദാഹവും മാത്രം ബാക്കി. നേടിയവര്‍ സൌഭാഗ്യര്‍. റയ്യാന്‍ കവാടങ്ങളിലൂടെ സ്വര്‍ഗസ്ഥരാകുന്നവര്‍ സൌഭാഗ്യവാന്മാര്‍ , ആ സൌഭാഗ്യവന്മാരുടെ കൂട്ടത്തില്‍ നമ്മെയും സര്‍വ്വശക്തന്‍   ഉള്‍പെടുത്തുമാറാകട്ടെ(ആമീന്‍)

1)-പരിശുദ്ദ റമളാനിന്‍റെ മഹത്വവുംദുആഅമലുകളും

പരിശുദ്ദ  റമളാനിന്റെ/ മഹത്വവും, ദുആ, അമലുകളും

പരിശുദ്ദ റമളാനിന്റെ. മഹത്വവും, ദുആ, അമലുകളും

2)-റമളാനിലെ പ്രത്യേക ദിക്ര്‍, ദുആകള്‍

 റമളാനിലെ  പ്രത്യേക ദിക്ര്‍, ദുആകള്‍

റമളാനിലെ പ്രത്യേക ദിക്ര്‍, ദുആകള്‍

3)-തറാവീഹ് നിസ്കാര ദിക്ര്‍ ദുആകള്‍

തറാവീഹ് നിസ്കാര ദിക്ര്‍ ദുആകള്‍ ഇവിടെ ക്ലിക്ക് ചെയ്യുക

തറാവീഹ് നിസ്കാര ദിക്ര്‍ ദുആകള്‍ ഇവിടെ ക്ലിക്ക് ചെയ്യുക

4)-റമളാന്‍ 30 ദിവസത്തിലെ പ്രത്യേകം ദുആകള്‍

റമളാന്‍ 30 ദിവസത്തിലെ പ്രത്യേകം ദുആകള്‍

റമളാന്‍ 30 ദിവസത്തിലെ പ്രത്യേകം ദുആകള്‍

5)-നോമ്പുമായി ബന്ധപ്പെട്ട മസ്അലകള്‍

തുടര്ന്നു ള്ള മസ്അലകള്ക്ക്  ഇവിടെ ക്ലിക്ക് ചെയ്യുക

തുടര്ന്നു ള്ള മസ്അലകള്ക്ക് ഇവിടെ ക്ലിക്ക് ചെയ്യുക

6)- തറാവീഹ് 20 റകഅത്ത്‌, തെളിവുകളിലൂടെ.

7)- തസ്‌ബിഹ്‌ നിസ്കാരത്തിന്‍റെ രൂപവും ശ്രേഷ്ടതയും.

8)- ഫിതര്‍ സകാത്ത് (زكاةالفطر).

-

നിങ്ങളുടെ എല്ലാ ദുആയില്‍  ഞങ്ങളെയും   ഉള്‍പെടുത്തണം,    നമ്മുടെ എല്ലാ അമലുകളും പടച്ചവന്‍ സ്വീകരിക്കട്ടെ (ആമീന്‍)