ആത്മീയ നിവൃതിയിൽ മുസ്ലിം ലോകം നബിദിനാഘോഷത്തിൽ


മുത്ത്‌ മുഹമ്മദ്‌ മുസ്തഫ (സ) തങ്ങളുടെ 1493-ാം ജന്മദിനം ലോകമെമ്പാടുമുള്ള പ്രവാചക സ്നേഹികള്‍ വിവിധ പരിപാടികളോടെ കൊണ്ടാടി. പ്രവാചകന്‍ മുഹമ്മദ് നബിയുടെ ജന്മദിനം നന്മപൂക്കുന്ന ആഘോഷങ്ങളോടെ പുണ്യ റബീഉല്‍ അവ്വല്‍ മാസത്തിന്റെ പൊന്നംബിളി ദൃശ്യമായാത് മുതല്‍ തുടക്കം കുറിച്ച പരിപാടികള്‍ മാസാവസാനം വരെ നീണ്ടുനില്‍ക്കും, പണ്ടത്തേക്കാള്‍ പതിന്മടങ്ങ് ആവേശത്തിലായിരുന്നു പ്രവാചക പ്രേമികള്‍ ഈ റബീ‌ഇനെയും വരവേറ്റത്.

U.A.E യിലെ അൽഐനില്‍ ഔഖാഫ് (മതകാര്യ വകുപ്പ് ) 20 /11 /2018 ന് സoഘടിപ്പിച്ച മീലാദുന്നബി പ്രോഗ്രാം

U.A.E യിലെ അൽഐനില്‍ ഔഖാഫ് (മതകാര്യ വകുപ്പ് ) 20 /11 /2018 ന് സoഘടിപ്പിച്ച മീലാദുന്നബി പ്രോഗ്രാം

ആറാം നൂറ്റാണ്ടില്‍ ജനിച്ച് ലോകത്ത് സനേഹവിപ്ലവത്തിന്റെ വസന്തം തീര്‍ത്ത പുണ്യപ്രവാചകന്‍ മുഹമ്മദ് നബിയുടെ ജന്മദിനം ലോകമെങ്ങും ആദരവോടെ ആഘോഷിക്കുന്ന കാഴ്ച വിശ്വാസികളുടെ പ്രവാചക പ്രേമം പ്രോജ്ജ്വലിച്ച് ആത്മീയാവേശം അലയടിക്കുന്ന നിര്‍വൃതിയായിരുന്നു. ശുഭ്രവസ്ത്രം അണിഞ്ഞ കുട്ടികളുടെ മനോഹരമായ ഘോഷയാത്രകളും ദഫ്-കോല്‍ക്കളി പ്രദര്‍ശനങ്ങളും ഇസ്ലാമിക കലാ സാഹിത്യ മല്‍സരങ്ങളും നബിദിനാഘോഷത്തിന് കൊഴുപ്പേകി. പ്രവാചകന്‍റെ നന്മവഴികളെ ഇളംമനസ്സുകളിലേക്ക് പകര്‍ന്നുകൊടുക്കുന്ന തരത്തിലായിരുന്നു പലയിടത്തും നബിദിനാഘോഷം സംഘടിപ്പിച്ചത്. പ്രവാചകനെ സ്തുതിച്ചുകൊണ്ട് നടന്ന ഘോഷയാത്രകള്‍ വീക്ഷിക്കാന്‍ വഴിനീളെ നിരവധിപേര്‍ തടിച്ചുകൂടിയിരുന്നു. എങ്ങും എവിടെയും തിരുനബി പ്രകീര്‍ത്തനങ്ങള്‍ മുഴങ്ങിക്കേള്‍ക്കുകയാണ്.

മുംബയിൽ (ഇന്ത്യ) നടന്ന നബിദിനാഘോഷത്തിൽ നിന്ന്

മുംബയിൽ (ഇന്ത്യ) നടന്ന നബിദിനാഘോഷത്തിൽ നിന്ന്

രാജ്യത്തിന്‍റെ പലയിടങ്ങളില്‍ മത സൗഹാര്‍ദ്ദത്തിന്‍റെ പുതിയ പ്രതീക്ഷയുമായി ഹൈന്ദവ സഹോദരങ്ങള്‍ ഉള്‍പെടെ മറ്റു മതസ്ഥര്‍ ഈ ദിനത്തില്‍ സന്തോഷം പങ്ക് വെക്കുകയും നബിദിന ഘോഷയാത്രയെ മധുരവും പാനിയങ്ങളും കൊടുത്ത് സ്വീകരിക്കുന്ന കാഴ്ച സ്‌നേഹബന്ധങ്ങളില്‍ മൈത്രിയുടെയും മത സൗഹാര്‍ദ്ദത്തിന്റെയും സന്ദേശം വിളിച്ചോതുന്നതായിരുന്നു.

ലണ്ടനിൽ നടന്ന നബിദിനാഘോഷ റാലിയിൽ നിന്ന്

ലണ്ടനിൽ നടന്ന നബിദിനാഘോഷ റാലിയിൽ നിന്ന്

‘യാ നബീ സലാം അലൈക്കും… യാ റസൂല്‍ സലാം അലൈക്കും…’ മധുരമാര്‍ന്ന ശബ്ദത്തിലൂടെ പ്രവാചകനെ പ്രകീര്‍ത്തിച്ച് മദ്രസകളില്‍ നിന്ന് ഘോഷയാത്രകള്‍ ഏവരെയും ആത്മീയാവേശലഹരിയിലാക്കി. വഴിനീളെ കുട്ടികള്‍ക്ക് വിവിധ സംഘടനകള്‍ മധുരപാനീയങ്ങളും പലഹാരങ്ങളും വിതരണം ചെയ്തു. മുമ്പ് മദ്‌റസകള്‍ കേന്ദ്രീകരിച്ചു മാത്രമായിരുന്നു ആഘോഷങ്ങള്‍ മുഖ്യമായും നടന്നിരുന്നതെങ്കില്‍ ഇന്ന് മദ്‌റസകള്‍ക്കൊപ്പം വിവിധ ഭാഗങ്ങളിലെ ചെറുപ്പക്കാരുടെ കൂട്ടായ്മകളും വളരെ സജീവമായി.

ബംഗ്ലാദേശിൽ നടന്ന വൻ നബിദിനാഘോഷയാത്ര റാലി

ബംഗ്ലാദേശിൽ നടന്ന വൻ നബിദിനാഘോഷയാത്ര റാലി

നബിയുടെ പവിത്ര ജന്‍മദിനത്തേയും ജീവിതചര്യകളേയും ഹൃദയ വിശുദ്ധിയുടെ വരവേല്‍ക്കുകയാണ് വിശ്വാസികള്‍ 63 സംവത്സരം നീണ്ട നബിയുടെ ജീവിതത്തില്‍ നേരിടേണ്ടി വന്ന കൊടിയ പരീക്ഷണങ്ങളുടെയും പീഡനങ്ങളുടെയും സഹനങ്ങളുടെയും സ്മരണ പുതുക്കുന്ന ദിനം കൂടിയാണ് നബിദിനം.

കെനിയയിൽ പ്രവാചക സ്നേഹികൾ ഒത്തുകൂടിയപ്പോൾ

കെനിയയിൽ പ്രവാചക സ്നേഹികൾ ഒത്തുകൂടിയപ്പോൾ

തിരുദൂതരോടുള്ള അടങ്ങാത്ത സ്‌നേഹത്തിന്റെയും ആത്മീയ ഔന്നിത്യത്തിന്റെയും ബഹിര്‍സ്ഫുരണമായി പ്രവാചക പ്രകീര്‍ത്തന സദസ്സുകളും ഇശ്‌ഖേ റസൂല്‍ ജത്സകളും നബിദിന ഘോഷ റാലികളും യാത്രകളുമെല്ലാമായി പ്രവാചക പ്രേമം അലയടിക്കുമ്പോള്‍ മണ്ണിലും വിണ്ണിലും അവിടെത്തെ അപദാനങ്ങള്‍ വാഴ്ത്തപെടുകയാണ്. 

നബിദിനാഘോഷം ഇറാഖിൽ

നബിദിനാഘോഷം ഇറാഖിൽ

ലോകത്തിനാകമാനം അനുഗ്രഹമായി കാരുണ്യത്തിന്റെ പ്രതീകമായ തിരു ദൂതരുടെ അധ്യാപനങ്ങൾ ജീവിതത്തിൽ പകർത്താനും സ്നേഹവും സഹോദര്യവും നിലനിര്‍ത്തുവാനും ഈ പുണ്യ റബീഅ നമുക്ക് തുണയാകട്ടെ (ആമീന്‍) എന്ന പ്രാര്‍ത്ഥനയോടെ…

Advertisements
By Muslim Ummath Posted in Islamic

യാ റസൂലള്ളാഹ്…. അങ്ങേക്ക് സലാം!


‘യാ നബി സലാം അലൈക്കും’ 

യാ റസൂലള്ളാഹ്…. അങ്ങേക്ക് സലാം!

  അങ്ങയെ  ഞങ്ങള്‍ സ്നേഹിക്കുന്നു,  ഞങ്ങളുടെ   സന്താനങ്ങലേക്കാള്‍    സമ്പത്തിനേക്കാള്‍ , സ്വശരീരത്തേക്കാള്‍ അങ്ങാണ് ഞങ്ങളുടെ നായകന്‍!!, അങ്ങയിലാണ് ഞങ്ങളുടെ രക്ഷകന്‍ ! അങ്ങ് ഞങ്ങക്ക് വേണ്ടി എന്തല്ലാം സഹിച്ചു…….. ബദ് റില്‍  ഉഹുദില്‍ ഖന്‍ന്തഖില്‍  ഹുനൈനില്‍ …. 

കത്തിജ്ജ്വലിക്കുന്ന  നരകാഗ്നിയെ  ഊതികെടുത്താന്‍ നിയോഗിതരായ  സൃഷ്ടി ശ്രേഷ്ടരില്‍  ഉത്തമനാണങ്ങ്, ഇരുപത്തിമൂന്ന് വര്‍ഷത്തെ അങ്ങയുടെ സംഭവബഹുലമായ ജീവിതം അതിന്റെ മുമ്പുള്ള നാല്പതു വര്‍ഷത്തെ അത്ഭുതങ്ങളുടെ കലവറയായ നീവിതം ഞങ്ങള്‍ ഓര്‍ക്കുമ്പോള്‍ അഭിമാനം! ഹോ !  ഞങ്ങള്‍ എത്ര ഭാഗ്യവന്മാര്‍.,… തലമുറകള്‍ കാത്തിരുന്ന അങ്ങയെ ഞങ്ങള്‍ക്ക് ലഭിച്ചു എത്രയെത്ര പ്രവാചകര്‍, ഗ്രന്ഥങ്ങള്‍, അങ്ങയുടെ വരവിനെ പ്രവചിച്ചു… എന്നിട്ടും അങ്ങയുടെ വില മനസ്സിലാക്കാത്തവര്‍, അങ്ങയുടെ അധ്യാപനത്തിനെതിരെ  പുറം തിരിഞ്ഞു നില്‍ക്കുന്നവര്‍…!

ഈ പുണ്യ റബീഉല്‍ അവ്വല്‍ ! അങ്ങയുടെ ജന്മം കൊണ്ടനുഗ്രഹീത മാസം ഞങ്ങള്‍ക്ക് സന്തോഷം ! ആഹ്ളാദം ! അഭിമാനം !      സുകൃതങ്ങളുടെ പ്രതീകമല്ലെയങ്ങ്! കാരുണ്യത്തിന്‍റെ  നിറകുടവുംറഹ്മത്തുല്‍ ആലമീന്‍ എന്നല്ലാഹു  പ്രകീര്‍ത്തിച്ചതിനെ അങ്ങ് പൂര്‍ണ്ണമായി അന്യര്‍ത്ഥമാക്കിഅങ്ങയുടെ കാരുണ്യം ലഭിക്കാത്ത ജീവജാലങ്ങളുണ്ടോമനുഷ്യര്‍മൃഗങ്ങ.ള്‍പറവകള്‍സകലര്‍ക്കും….  ഞങ്ങളോര്‍ക്കുന്നു.. ശൈത്യശമനത്തിനായി കത്തിക്കപെട്ട തീയില്‍ ഉറുമ്പ്‌ വീഴുമോയെന്നോര്‍ത്തു അതണച്ചു വെറുങ്ങലിച്ചുനിന്നയങ്ങുഉടമസ്ഥന്‍റെ അനാസ്ഥമൂലം മെലിഞ്ഞോട്ടിയ ഒട്ടകത്തിന്‍റെ ഉടമയെ ശാസിച്ചയങ്ങു എത്ര കാരുണ്യവാന്‍!

അങ്ങയുടെ പിതൃവ്യന്‍ ഹംസ (റ) നിഷ്ടൂരമായി   വധിക്കുകയും അങ്ങയെ വധിക്കാന്‍ ഉറപ്പിക്കുകയും ചെയ്തവഹ്ശിക്ക്ഹിന്ദിന്ന്  മാപ്പ് നല്‍കിയ അങ്ങെത്ര ക്ഷമാശീലന്‍,  ശത്രു സൈന്യത്തിലെ കുട്ടികള്‍ മരിച്ചതിനു വിതുമ്പിയ താങ്കള്‍ , ബദ് ര്‍  യുദ്ദത്തിലെ  ബദ്ദശത്രു  അല്‍ഹാദയുടെ  പുത്രിയുടെ കണ്ണീരോടൊപ്പം കണ്ണീര്  പൊഴിച്ചയങ്ങ് , അങ്ങെത്ര  ദയാലു !

 കുഴിച്ച്‌ മൂടപ്പെട്ടിരുന്ന   പെണ്‍ കുട്ടികളുടെ രക്ഷകന്‍ അല്ലയോ. അടിച്ചമര്‍ത്തപ്പെട്ട അടിമവര്‍ഗ്ഗത്തിന് ശാന്തിയായി അങ്ങ് വന്നത് ഞങ്ങളോര്‍ക്കുന്നുവിയര്‍പ്പ് വറ്റും  മുമ്പ് തൊഴിലാളിക്ക്  വേതനം  നല്‍കണമെന്ന്  പഠിപ്പിച്ചതും അങ്ങല്ലോ..! അങ്ങയുടെ വിടവാങ്ങല്‍ പ്രഭാക്ഷണത്തില്‍ പോലും സ്ത്രീ മോചനത്തിന്റെ കാഹളം മുഴങ്ങിയത്  ഞങ്ങള്‍ അഭിമാനത്തോടെ സ്മരിക്കുന്നു!

പലിശക്കെതിരെ  പടവാളുമായി അങ്ങ് നയിച്ച സാമ്പത്തിക വിപ്ളവം എത്ര മനോഹരംഅങ്ങയെ ആക്രമിച്ചു മക്കയില്‍ നിന്ന് പുറത്താക്കിയ മക്കക്കാര്‍ അങ്ങയുടെ കാല്‍ക്കീഴില്‍ വന്നണഞ്ഞപ്പോള്‍ അവര്‍ക്ക് ശിക്ഷയായി അക്ഷരധ്യാപനം കല്കിയ അങ്ങയുടെ അക്ഷര സ്നേഹം ഞങ്ങളെങ്ങിനെ  മറക്കും! അല്ലലില്ലാതെ  അലട്ടലില്ലാതെ അങ്ങ് നയിച്ച കുടുംബജീവിതംഅതെത്ര തൃപ്തികരം.

 മദ്യത്തിനെതിരെചൂതാട്ടത്തിനെതിരെകൊലക്കും കൊള്ളക്കുമെതിരില്‍,  വ്യഭിചാരത്തിനെതിരില്‍ അനീതിക്കെതിരില്‍അങ്ങ് കാഴ്ചവെച്ച ധാര്‍മ്മിക വിപ്ലവം,    അതെത്ര  പ്രായോഗികം ! ലക്ഷത്തില്‍പരം അനുചരരെ നക്ഷത്ര തുല്യരാക്കിയ ഹ്രസ്വകാല പ്രബോധനം എത്ര ശാസ്ത്രീയം.  

യാ ഹബീബള്ളാഹ്!    യാ റസൂലള്ളാഹ്! അങ്ങയുടെ ശഫാഅത്തിന്  ഞങ്ങള്‍ കൊതിക്കുന്നു, അങ്ങയുടെ ഹൗളുല്‍കൗസറിന്  ഞങ്ങള്‍ ആഗ്രഹിക്കുന്നു, അങ്ങ് ഞങ്ങളെ കൈ വിടരുതേ! ഞങ്ങള്‍ അര്‍ഹരല്ലയെങ്കിലും…. യാ നബി സലാം അലൈക്കും യാ റസൂല്‍  സലാം അലൈക്കും

ആമീന്‍ …. ആമീന്‍ …. യാ റബ്ബല്‍  ആലമീന്‍

images

വിശ്വ മാനവികതയുടെ പ്രവാചകർ മുഹമ്മദ്‌ നബി (സ) യുടെ ജന്മദിനം ലോകമൊട്ടാകെ സമുചിതമായി ആഘോഷിക്കുന്ന ഈ പൊന്‍ സുദിനങ്ങളിൽ ഓരോ വിശ്വാസിയും പുണ്യ പ്രവാചകന്‍ (സ) തങ്ങള്‍ പഠിപ്പിക്കുകയും ഊന്നിപ്പറയുകയും ചെയ്ത വിശ്വാസികള്‍ തമ്മില്‍ ഉണ്ടായിരിക്കേണ്ട പരസ്പരം സ്നേഹവും സഹോദര്യവും അത് വീണ്ടെടുക്കുകയും ഊട്ടിയുറപ്പിക്കുകയും ചെയ്യേണ്ട സമയം കൂടിയാണ്. “അനസില്‍(റ)നിന്ന്: നബി(സ്വ) പറഞ്ഞു: നിങ്ങള്‍ പരസ്പരം ദേഷ്യപ്പെടുകയോ അസൂയ കാണിക്കുകയോ അന്യോന്യം പുറംതിരിഞ്ഞ് (പിണങ്ങി) നില്‍ക്കുകയോ ചെയ്യരുത്. അല്ലാഹുവിന്റെ അടിയാറുകളേ, നിങ്ങള്‍ സഹോദരങ്ങളാവുക. മൂന്ന് ദിവസത്തിലധികം തന്റെ സഹോദരനുമായി (മുസ്ലിമുമായി) പിണങ്ങിനില്‍ക്കല്‍ മുസ്ലിമിന് അനുവദനീയമല്ല”. ലോകത്തിനാകമാനം അനുഗ്രഹമായി കാരുണ്യത്തിന്റെ പ്രതീകമായ തിരു ദൂതരുടെ അധ്യാപനങ്ങൾ ജീവിതത്തിൽ പകർത്താനും സ്നേഹവും സഹോദര്യവും നിലനിര്‍ത്തുവാനും ഈ പുണ്യ റബീഅ നമുക്ക് തുണയാകട്ടെ (ആമീന്‍) എന്ന പ്രാര്‍ത്ഥനയോടെ…

നേരുന്നു ഏവര്‍ക്കും ‘മുസ്ലിം ഉമ്മത്തിന്റ് ‘ ഒരായിരം നബിദിനാശംസകള്‍

വരവേല്‍ക്കാം പുണ്യ റബീഉല്‍ അവ്വല്‍ മാസത്തെ..!


വരവേല്ക്കാം് പുണ്യ റബീഉല്‍ അവ്വല്‍ മാസത്തെ..!

ഹിജ്റ പുതുവര്‍ഷത്തിന്‍റെ പ്രാരംഭ മാസം മുഹറം വിടചൊല്ലി പുണ്യ റബീഅയെ തൊട്ടുരുമ്മി നില്‍ക്കുന്ന സഫര്‍ മാസം ഏതാനും ദിനങ്ങള്‍ കഴിഞ്ഞാല്‍ നമ്മോടു വിടപറയുകയാണ്, പരിശുദ്ദ റബീഉല്‍ അവ്വല്‍ മാസത്തെ വരവേല്‍ക്കാന്‍ വിശ്വാസികള്‍ മനസാ വാചാ കര്‍മ്മണ ഒരുങ്ങി കഴിഞ്ഞു.

റബീഉല്‍ അവ്വല്‍ എന്നാല്‍ ‘വസന്തത്തിന്‍റെ ആദ്യ മാസം’ എന്നാണ്, വസന്തകാലം കടുത്ത ചൂടോ തണുപ്പോ ഇല്ലാത്ത, ഏറ്റവും സുന്ദരവും സൌമ്യവുമായ കാലമാണ്. എന്തു കൊണ്ടാണ് നബി(സ)യുടെ ജനനം ആ മാസത്തിലായത്? ഒരു പക്ഷെ പ്രവാചക പ്രവരന്‍ റമദാനിലോ ശഅ്ബാനിലോ മറ്റ് വിശുദ്ധ മാസങ്ങളില്‍ ഏതെങ്കിലുമൊന്നിലോ ആയിരുന്നു പിറന്നിരുന്നതെങ്കില്‍, ആ മാസങ്ങളുടെ പവിത്രത കൊണ്ട് തിരുനബി മഹത്വവത്കരിക്കപ്പെടുന്നതായി ആളുകള്‍ ചിന്തിക്കാവുന്നതാണ്. പക്ഷേ, മുത്ത്‌ നബി(സ) തങ്ങള്‍ റബീഉല്‍ അവ്വലില്‍ ജനിക്കുന്നതോടെ ആ ഒരൊറ്റക്കാരണം കൊണ്ട് ആ മാസമാണ് പവിത്രീകരിക്കപ്പെടുന്നത്. അതെ ലോക ഗുരുവിന്റെ ജന്മദിനത്തിന് സാന്നിധ്യം നല്‍കിയത് കൊണ്ടാണ് വിശുദ്ധ റബീഉല്‍ അവ്വല്‍ വിശ്വാസികളില്‍ ആവേശമുയരുന്നത്. വിശ്വാസിയുടെ ഹൃദയം സന്തോഷത്താല്‍ ആനന്ദപൂരിതമാകും, മസ്ജിദുകളില്‍ നിന്നുയരുന്ന മദ്ഹു ഗീതങ്ങള്, സ്വലാത്ത് ധ്വനികള്, ഓത്തു പള്ളികളില്‍ കുട്ടികള്‍ ആവേശത്താല്‍ മുഴക്കുന്ന “യാ നബി സലാം ………” ഈരടികള്, അതെ അവിടത്തേക്ക് സ്വലാത്തുകള്‍ വര്‍ദ്ധിപ്പിച്ചും, അവിടത്തെ മദ്ഹു ആലപിച്ചും ആ പുണ്യ മാസത്തെ വരവേല്‍ക്കാന്‍ ലോകത്തിലെ എല്ലാ വിശ്വാസികളും തയ്യാറെടുക്കുകയാണ്.

ആത്മീയ ആവേശത്തോടെ പുണ്യ റബീഇനെ വാരിപ്പുണരാന്‍ വെമ്പല്‍ കൊള്ളുന്ന ഓരോ വിശ്വാസിയും പുണ്യ പ്രവാചകന്‍ (സ) തങ്ങള്‍ പഠിപ്പിക്കുകയും ഊന്നിപ്പറയുകയും ചെയ്ത വിശ്വാസികള്‍ തമ്മില്‍ ഉണ്ടായിരിക്കേണ്ട പരസ്പരം സ്നേഹവും സഹോദര്യവും അത് വീണ്ടെടുക്കുകയും ഊട്ടിയുറപ്പിക്കുകയും ചെയ്യേണ്ട സമയം കൂടിയാണ്. “അനസില്‍(റ)നിന്ന്: നബി(സ്വ) പറഞ്ഞു: നിങ്ങള്‍ പരസ്പരം ദേഷ്യപ്പെടുകയോ അസൂയ കാണിക്കുകയോ അന്യോന്യം പുറംതിരിഞ്ഞ് (പിണങ്ങി) നില്‍ക്കുകയോ ചെയ്യരുത്. അല്ലാഹുവിന്റെ അടിയാറുകളേ, നിങ്ങള്‍ സഹോദരങ്ങളാവുക. മൂന്ന് ദിവസത്തിലധികം തന്റെ സഹോദരനുമായി (മുസ്ലിമുമായി) പിണങ്ങിനില്‍ക്കല്‍ മുസ്ലിമിന് അനുവദനീയമല്ല”. പരസ്പരം സഹോദരങ്ങളാവണമെന്ന് വിശ്വാസികളെ ശക്തമായി ഉപദേശിച്ചുകൊണ്ട് അവിടെന്ന് പ്രവാചകന്‍(സ്വ) പറയുകയുണ്ടായി “അല്ലാഹുവിന്റെ ദാസന്‍മാരേ, നിങ്ങള്‍ സഹോദരങ്ങളാവുക. ഒരു മുസ്ലിം മറ്റൊരു മുസ്ലിമിന്റെ സഹോദരനാണ്. അവനോട് അക്രമം കാണിക്കുകയില്ല; അവനെ കൈവെടിയുകയില്ല; അവനെ നിസ്സാരനായി കാണുകയില്ല. എന്നിട്ട് മൂന്ന് തവണ നെഞ്ചിലേക്ക് ചൂണ്ടിക്കൊണ്ട് പ്രവാചകന്‍(സ്വ) പറഞ്ഞു: ഇവിടെയാണ് തഖ് വ, തന്റെ സഹോദരനായ മുസ്ലിമിനെ നിന്ദിക്കുന്നതുതന്നെ തിന്മയായി ഒരാള്‍ക്ക് മതി. തന്റെ സഹോദരന്റെ രക്തവും സമ്പത്തും അഭിമാനവുമെല്ലാം ഓരോ മുസ്ലിമിനും നിഷിദ്ധമാണ്” ഈ പ്രവാചക വചനം ഉള്‍ക്കൊണ്ട്‌ വര്‍ത്തിക്കാന്‍ പുണ്യ റബീഅ നമ്മുക്ക് പ്രചോദനം നല്‍കുന്നതാവട്ടെ എന്ന് പ്രാര്‍ത്ഥിക്കുന്നു.

എല്ലാവര്‍ഷവും, റബിഉല്‍ അവ്വല്‍ മാസം വന്നണയുമ്പോള്‍ ദൈവത്തിന്റെ മഹാനായ പ്രവാചകന്റെ തിരുപ്പിറവിയുടെ സ്മരണ സര്‍വ പ്രപഞ്ചങ്ങളെയും സൌരഭ്യമണിയിക്കുകയാണ്, തിരുമേനിയുടെ ജീവചരിത്ര ഗ്രന്ഥങ്ങള്‍ വായിച്ചുകൊണ്ടും അതില്‍ നിന്ന് അനര്‍ഘമായ പാഠങ്ങള്‍ ഉള്‍ക്കൊണ്ടു കൊണ്ടും കോടിക്കണക്കിന് മുസ്ലിംകള്‍ ലോകമെമ്പാടും ആ മഹാസുദിനം ആഘോഷിക്കുന്നു. തിരുമേനിയുടെ ജീവിതഗാഥ ചൊല്ലുകയും ആബാലവൃദ്ധം ജനങ്ങളിലേക്കും അതു വഴി മഹാഗുരുവിന്റെ സന്ദേശമെത്തിക്കുകയും ചെയ്യുന്നു.

പ്രവാചക സ്നേഹവും തിരുനാളിനോടും ജീവിത ദൌത്യത്തോടുമുള്ള ആദരവും ഏതൊരു മനുഷ്യനും എല്ലാ നന്മയും പ്രദാനം ചെയ്യും. മുസ്ലിമിന്‍റെ സ്നേഹം ജഢികമല്ല. ആത്മീയമാണ്. അവന്‍ മുത്ത്‌ നബിയെ ഹൃദയം നിറഞ്ഞ് സ്നേഹിക്കുന്നു, ആ സ്നേഹം സ്വലാത്തായി, ദിക്ക്റായി മൗലിദായി, വിളിയായി ഒഴുകുന്നു.

എന്നിട്ടും നമ്മുടെ കൂട്ടത്തില്‍ ചിലരുണ്ട് മുത്ത്‌ നബിയുടെ വില മനസ്സിലാക്കാത്തവര്‍…., റബിഉല്‍ അവ്വല്‍ മാസം ആഗതമാകുമ്പോള്‍ അവര്‍ക്ക് നെഞ്ചിടിപ്പ് കൂടുന്നു..! വായ്‌ തുറക്കുമ്പോള്‍ പരിഹാസം ചൊരിയുന്നവര്‍, പ്രവാചക ശ്രേഷ്ടരെ ആക്ഷേപിക്കാനായി തൂലിക ചലിപ്പിക്കുന്നവര്‍, അവിടത്തെ പൊന്നുപ്പയേയും പൊന്നുമ്മയേയും കുടുംബത്തെയും കുടുംബ പരമ്പരയില്‍പെട്ട സെയ്യിദന്മാരെയും പരിഹസിക്കാനും അവഹേളിക്കാനും സമയം കണ്ടെത്തുന്നവര്‍, ഇന്നവര്‍ അനുഭവിക്കുകയാണ്, അള്ളാഹു അവരെ സമൂഹത്തിന് മുമ്പില്‍ പരിഹാസരാക്കി, പരസ്പരം ശിര്‍ക്കാരോപിച്ചു തമ്മില്‍ കലഹിക്കുന്ന കാഴ്ച. ഇത്തരം നവീന വാദികളുടെ ശര്‍റില്‍ നിന്നും റബ്ബിനോട് കാവല്‍ തേടുക. അള്ളാഹു നമ്മുടെ ജീവിതവും മരണവും സുന്നത്ത്‌ ജമാഅത്തിന്‍റെ മര്ഗ്ഗത്തിലാക്കി തരട്ടെ (ആമീന്‍ )

‘ലോകര്‍ക്ക് മുഴുവന്‍ കാരുണ്യമായി’ അയക്കപ്പെട്ടിട്ടുള്ള പുണ്യ പ്രവാചകനെക്കാളും വലിയ എന്തനുഗ്രഹമാണ് നമുക്ക്..? എവിടേയും അരാചകത്വവും അധാര്‍മ്മികതയും നടമാടുന്ന ഇക്കാലത്ത് മദ്യത്തിനെതിരെ, ചൂതാട്ടത്തിനെതിരെ, കൊലക്കും കൊള്ളക്കുമെതിരില്‍, വ്യഭിചാരത്തിനെതിരില്‍, അനീതിക്കെതിരില്‍ പ്രവാചക (സ) കാഴ്ചവെച്ച പ്രായോഗികമായ ധാര്‍മ്മിക വിപ്ലവത്തിനു വേണ്ടി ഇന്നത്തെ ലോകം ദാഹിക്കുകയാണ്.

സ്വലാത്തുകള്‍ വര്‍ദ്ധിപ്പിച്ചും അവിടെത്തെ മദ്ഹു ഗീതങ്ങള്‍ ആലപിച്ചും അവിടെത്തെ സന്ദേശങ്ങള്‍ പ്രചരിപ്പിച്ചും….നമ്മുക്കും വരവേല്‍ക്കാം ആ പുണ്യ റബീഉല്‍ അവ്വല്‍ മാസത്തെ..! നാഥന്‍ തുണക്കട്ടെ (ആമീന്‍ )

ശഹ്റു റമളാന്‍ പുണ്യങ്ങളുടെ പൂക്കാലം….


ശഹ്റു റമളാന്‍  പുണ്യങ്ങളുടെ പൂക്കാലം….

വിശ്വാസികള്‍ക്ക് ആവേശവും ആഹ്ളാദവും സമ്മാനിച്ചുകൊണ്ടു  മുസ്ലിം മാനസങ്ങളില്‍ ഒരാത്മിക വിചിന്തനത്തിനുള്ള സന്ദേശമോതിക്കൊണ്ട് അതിരുകളില്ലാത്ത അനുഗ്രഹവര്‍ഷങ്ങളുമായി പുണ്യങ്ങളുടെ പൂക്കാലമായ പരിശുദ്ധ റമളാന് ഒരിക്കല്‍കൂടി വരവായി. വൃത ശുദ്ധിയുടെ പുണ്യദിനരാത്രങ്ങളെ ആരാധനകള്‍ കൊണ്ട് സജീവമാക്കാന്‍ വിശ്വാസികള്‍  ആത്മീയാവേശത്തോടെ  ഒരുങ്ങി കഴിഞ്ഞു,

നബി(സ) പറയുന്നു: ‘വിശ്വാസത്തോടും പ്രതിഫലകാംക്ഷയോടുംകൂടി ഒരാള്‍ റമളാന്‍ നോമ്പനുഷ്ഠിച്ചാല്‍ അവന്റെ ഗതകാലദോഷങ്ങള്‍ പൊറുക്കപ്പെടും. നോമ്പുകാരന്റെ വായയുടെ വാസന അല്ലാഹുവിന്റെ അടുക്കല്‍ കസ്തൂരിയേക്കാള്‍ സുഗന്ധമുള്ളതാകുന്നു. തീര്‍ച്ചയായും സ്വര്‍ഗത്തില്‍ റയ്യാന്‍ എന്ന് പേരുള്ള ഒരു കവാടമുണ്ട്. നോമ്പനുഷ്ഠിച്ചവര്‍ക്ക് മാത്രമേ ഇതിലൂടെ പ്രവേശനമുള്ളൂ’ (ബുഖാരി, മുസ്ലിം).

പരിശുദ്ധറമളാന്റെ രാപ്പകലുകള്‍ പാപമോചനത്തിന്റെ വിലപ്പെട്ട നിമിഷങ്ങളാണ്. പാപമോചനത്തിന്റെ ഈ സുവര്‍ണാവസരം ഉപയോഗപ്പെടുത്താന്‍ എല്ലാവര്‍ക്കും കഴിയണം.

“റമളാനില്‍ പ്രത്യേകമായി ലഭിക്കുന്ന പ്രതിഫലങ്ങളെ കുറിച്ച് അടിമകള്‍ അറിഞ്ഞിരുന്നുവെങ്കില്‍ കൊല്ലം മുഴുവനും റമളാന്‍ ആയിരുന്നെങ്കില്‍…. എന്ന് അവര്‍ ആഗ്രഹിക്കുമായിരുന്നു” (ഇബ്നു ഖുസൈമ).

വ്രതം ഒരു പരിചയാണെന്നാണ് തിരുനബി(സ്വ) പറഞ്ഞത്. ഭോഗ ഭോജ്യാദികളൊഴിവാക്കുക, ഇന്ദ്രിയങ്ങളെ നിയന്ത്രിക്കുക, ആത്മ സംസ്കൃതി നേടുക, മനസ്സിന്റെ ദുര്‍ഗുണങ്ങളില്‍ നിന്നു മുക്തി വരിക്കുക. ഇതാണ് വ്രത ലക്ഷ്യം. ഇത് നേടാന്‍ കഴിയാത്ത നോമ്പുകാരന് വിശപ്പും ദാഹവും മാത്രം ബാക്കി. നേടിയവര്‍ സൌഭാഗ്യര്‍. റയ്യാന്‍ കവാടങ്ങളിലൂടെ സ്വര്‍ഗസ്ഥരാകുന്നവര്‍ സൌഭാഗ്യവാന്മാര്‍ , ആ സൌഭാഗ്യവന്മാരുടെ കൂട്ടത്തില്‍ നമ്മെയും സര്‍വ്വശക്തന്‍   ഉള്‍പെടുത്തുമാറാകട്ടെ(ആമീന്‍)

1)-പരിശുദ്ദ റമളാനിന്‍റെ മഹത്വവുംദുആഅമലുകളും

പരിശുദ്ദ റമളാനിന്റെ/ മഹത്വവും, ദുആ, അമലുകളും

പരിശുദ്ദ റമളാനിന്റെ. മഹത്വവും, ദുആ, അമലുകളും

2)-റമളാനിലെ പ്രത്യേക ദിക്ര്‍, ദുആകള്‍

 റമളാനിലെ പ്രത്യേക ദിക്ര്‍, ദുആകള്‍

റമളാനിലെ പ്രത്യേക ദിക്ര്‍, ദുആകള്‍

3)-തറാവീഹ് നിസ്കാര ദിക്ര്‍ ദുആകള്‍

തറാവീഹ് നിസ്കാര ദിക്ര്‍ ദുആകള്‍ ഇവിടെ ക്ലിക്ക് ചെയ്യുക

തറാവീഹ് നിസ്കാര ദിക്ര്‍ ദുആകള്‍ ഇവിടെ ക്ലിക്ക് ചെയ്യുക

4)-റമളാന്‍ 30 ദിവസത്തിലെ പ്രത്യേകം ദുആകള്‍

റമളാന്‍ 30 ദിവസത്തിലെ പ്രത്യേകം ദുആകള്‍

റമളാന്‍ 30 ദിവസത്തിലെ പ്രത്യേകം ദുആകള്‍

5)-നോമ്പുമായി ബന്ധപ്പെട്ട മസ്അലകള്‍

തുടര്ന്നു ള്ള മസ്അലകള്ക്ക് ഇവിടെ ക്ലിക്ക് ചെയ്യുക

തുടര്ന്നു ള്ള മസ്അലകള്ക്ക് ഇവിടെ ക്ലിക്ക് ചെയ്യുക

6)- തറാവീഹ് 20 റകഅത്ത്‌, തെളിവുകളിലൂടെ.

7)- തസ്‌ബിഹ്‌ നിസ്കാരത്തിന്‍റെ രൂപവും ശ്രേഷ്ടതയും.

8)- ഫിതര്‍ സകാത്ത് (زكاةالفطر).

നിങ്ങളുടെ എല്ലാ ദുആയില്‍  ഞങ്ങളെയും   ഉള്‍പെടുത്തണം,    നമ്മുടെ എല്ലാ അമലുകളും പടച്ചവന്‍ സ്വീകരിക്കട്ടെ (ആമീന്‍)