അതിരുവിടുന്ന ഈ പോക്ക് അപകടത്തിലേക്ക് …?


apakadam

പുണ്യ പ്രവാചകന്‍ (സ്വ) പറഞ്ഞു: “സൂര്യന്‍ ഉദിച്ച ദിവസങ്ങളില്‍ ഏറ്റവും ശ്രേഷ്ഠമായത് ജുമുഅഃ ദിവസമാകുന്നു”(മുസ്ലിം). “ഇമാം പ്രസംഗിച്ചു കൊണ്ടിരിക്കുമ്പോള്‍ നിന്റെ അടുത്തിരിക്കുന്ന വ്യക്തിയോട് നിശബ്ദമായിരിക്കൂ എന്ന് നീ പറഞ്ഞുപോയെങ്കില്‍ നീ അനാവശ്യമാണ് പ്രവര്‍ത്തിച്ചിരിക്കുന്നത്.” (ബുഖാരി)

വെള്ളിയാഴ്ച ദിവസം, സ്ഥലം പരപ്പ ക്ലായിക്കോട് ജുമാ മസ്ജിദ്,  ഖത്തീബ് മിമ്പറില്‍ ഖുതുബ നിര്‍വ്വഹിച്ചുകൊണ്ടിരിക്കുന്ന സമയം, പുറത്തു നിന്ന് കുറച്ചാളുകള്‍ മാരകായുധങ്ങളുമായെത്തുന്നു ഖത്തീബിനെ ആക്രമിച്ച് പരുക്കേല്‍പ്പിക്കുന്നു, അക്രമം തടയാന്‍ ശ്രമിച്ച മറ്റു രണ്ടു വിശ്വാസികളേയും ആക്രമിക്കുന്നു….! നമ്മള്‍ എവിടെ എത്തി നില്‍ക്കുന്നു? ചിന്തിക്കുക! അക്രമികള്‍ ബിദഈ ആശയക്കാരോ സംഘപരിവാര്‍ ശക്തികളോ ആയിരുന്നില്ല…  സുന്നി കുടുംബത്തിലെ അഭിപ്രായ വിത്യാസങ്ങളുടെ പേരില്‍ നടക്കുന്ന സംഘട്ടനങ്ങളിലെ ഒടുവിലെ ഉദാഹരണമാണ്. പുണ്യ പ്രവാചകന്‍ (സ്വ) തങ്ങളുടെ അനുയായികളെന്ന് അവകാശപെടുന്ന നമ്മുടെ ഭാഗത്ത് നിന്ന് തന്നെ ഇങ്ങനെ ഉണ്ടായതെന്നറിയുമ്പോള്‍..? വിശ്വാസികള്‍ തമ്മില്‍ നിലനില്‍ക്കേണ്ട സാഹോദര്യ ബന്ധത്തെക്കുറിച്ച് മുഹമ്മദ് നബി(സ്വ) വിശദീകരിച്ചത് ഇങ്ങനെയാണ് “സത്യവിശ്വാസികള്‍ തമ്മിലുള്ള പരസ്പര സ്നേഹത്തിന്റെയും കാരുണ്യത്തിന്റെയും അനുകമ്പയുടെയും ഉദാഹരണം ഒരൊറ്റ ശരീരം പോലെയാണ്. അതില്‍ ഒരു അവയവത്തിന് രോഗം ബാധിച്ചാല്‍ ബാക്കി ശരീരവും ഉറക്കമൊഴിച്ചും പനിച്ചും ദുഃഖത്തില്‍ പങ്കുകൊള്ളും. “ഒരു വിശ്വാസി മറ്റൊരു വിശ്വാസിക്ക് കെട്ടിടം പോലെയാണ്. അത് പരസ്പരം ബലപ്പെടുത്തുന്നു” നബി തിരുമേനി (സ) തങ്ങളുടെ അനുയായികളായ നമുക്ക് എന്തുകൊണ്ട് പ്രവാചകദ്ധ്യാപനം ഉള്‍കൊള്ളാന്‍ തയ്യാറാകുന്നില്ല?

samasth

സമസ്ത രണ്ടായി പിരിഞ്ഞ  സമയത്ത്  ചില രാക്ഷ്ട്രീയ ഇടപെടലുകള്‍ കാരണം ഉണ്ടായ അനിഷ്ട സംഭവങ്ങള്‍ ഒഴിച്ച് നിര്‍ത്തിയാല്‍ സ്വാഭാവികമായും ചില അഭിപ്രായ വ്യത്യാസങ്ങളും ചെറിയ സംഘര്‍ഷങ്ങളും ഉണ്ടായിട്ടുണ്ടെന്നല്ലാതെ തികച്ചും സമാധാനാന്തരീക്ഷത്തില്‍ അവരവരുടെ പ്രവര്‍ത്തനങ്ങളുമായി സമുദായ പുരോഗനാത്മകമായ യജ്ഞങ്ങളുമായി മുന്നോട്ട്‌ പോകുകയായിരുന്നു. ഇതിനിടയില്‍ ഇരു സമസ്തയും പിണക്കങ്ങളല്ലാം പറഞ്ഞു തീര്‍ത്ത് ഒന്നിക്കാനുള്ള പാതയിലായിരുന്നു, സുന്നി കൈരളിയുടെ നിലക്കാത്ത ശബ്ദമായിരുന്ന, മഹാ പണ്‌ഡിത വര്യനായ ഇ.കെ. അബൂബക്കര്‍ മുസ്‌ലിയാരുടെ അന്ത്യാഭിലാഷമായിരുന്നു സമസ്തയിലെ യോജിപ്പ്. സമസ്‌തയിലുണ്ടായിരുന്ന പ്രശ്‌നങ്ങളില്‍ മരണത്തോടടുത്ത കാലങ്ങളില്‍ മഹാനവര്‍കളില്‍ അസ്വസ്ഥതയുണ്ടാക്കിയിരുന്നു. യോജിപ്പിനുള്ള സാധ്യതകളെ സംബന്ധിച്ചു ചിന്തിക്കുകയും പ്രവര്‍ത്തിച്ചു വരുകയും ചെയ്‌തു വരുമ്പോഴാണ്‌ അദ്ദേഹം നമ്മെ വിട്ടുപിരിഞ്ഞത്. പിന്നീട് അദ്ദേഹത്തിന്റെ അന്ത്യാഭിലാഷം പുലര്‍ന്നു കാണാന്‍ ആത്മാര്‍ഥമായി ആഗ്രഹിക്കുന്ന  പാണക്കാട് സെയ്യിദന്മാര്‍ ഉള്‍പെടെ പലരും യോജിപ്പിനായി ശ്രമം നടത്തിയിരുന്നു, അതില്‍ മര്‍ഹൂം സയ്യിദ്‌ മുഹമ്മദലി ശിഹാബ് തങ്ങളുടെ ശ്രമം സ്മരണീയമാണ്. അതിന്‍റെ ഫലമായി ഇരു സമസ്തയും തമ്മിലുള്ള അകല്‍ച്ച കുറഞ്ഞുവരികയും ചെയ്തു. ഇതിനായി മുസ്ലിം ലീഗും തങ്ങളുടെ നിലപാടുകളില്‍ മാറ്റം വരുത്തുകയും ഇരു സമസ്തയേയും ഒരുപോലെ സമീപിക്കുകയും യോജിപ്പിന്റെ സഹകരണത്തിന്റെയും പാത തുറക്കുകയും ചെയ്തു. എന്നാല്‍ ഐക്യത്തെ ഭയപെടുന്ന ചില ശക്തികള്‍ ഇതിനെതിരില്‍ നീക്കം നടത്തിയത് യോജിപ്പിന്റെ ശ്രമം അട്ടിമറിക്കപെടുകയായിരുന്നു. അങ്ങനെയായിരുന്നു തിരുകേശ വിവാദം തെരുവിലേക്ക് വലിചിഴക്കപെട്ടത്‌. ഇന്ന് അത് സര്‍വ്വ സീമകളും ലംഘിച്ചുകൊണ്ട് ഒരേ ആദര്‍ശത്തില്‍ നിലകൊള്ളുന്ന സഹോദരന്മാര്‍ ചേരിതിരിഞ്ഞ്  രാഷ്ട്രീയക്കാരെയും ഗുണ്ടാ സംഘങ്ങളെയും കവച്ചുവെക്കുമാര്‍ ഭീകരാന്തരീക്ഷം സൃഷ്ട്ടിക്കപെടുമ്പോള്‍ വിശ്വാസികളുടെ ഹൃദയം പിടയുകയാണ്. ‘സത്യവിശ്വാസികള്‍ പരസ്പരം സഹോദരങ്ങള്‍തന്നെയാകുന്നു’ (49:10) എന്ന പരിശുദ്ധ ഖുര്‍ആന്‍ വചനം നാം എന്തുകൊണ്ട് മറന്നു പോകുന്നു?

samastha-1

മണ്ണാര്‍ക്കാട് കല്ലാങ്കുഴിയില്‍ രണ്ട് സുന്നി പ്രവര്‍ത്തകരെ മൃഗീയമായി വെട്ടിക്കൊന്ന സംഭവത്തിന്‍റെ ആഘാതത്തില്‍നിന്ന് നാം മുക്തമായിട്ടില്ല. ദീനി രംഗത്ത് എന്നും നിറസാന്നിധ്യമായ ആ സഹോദരങ്ങള്‍ പേരും പ്രശസ്തിയും ആഗ്രഹിക്കാതെ മദ്രസ പള്ളി യതീംഖാന തുടങ്ങി ദീനി സ്ഥാപനങ്ങളെ മനസറിഞ്ഞു സഹായിച്ചിരുന്ന വെക്തിത്വങ്ങളെയാണ്  ഈ അതിരുവിട്ട പോര്‍വിളികയില്‍ നമുക്ക് നഷ്ടമായത്. ഇത്രയും വിദ്ധ്വേഷവും അക്രമവും നടത്താന്‍ നമ്മെ പ്രേരിപ്പിക്കുന്ന ഘടകമെന്താണ്? മഞ്ചേരിയില്‍ വന്ദ്യവയോധ്യകനായ അബുഹാജി എന്ന സഹോദരന് പാട്ട് നിര്‍ത്തി ഖുര്‍ആന്‍ പാരായണത്തിന്‍റെ സി.ഡി വെക്കാന്‍ പറഞ്ഞതിന്‍റെ പേരില്‍ ഉണ്ടായ സംഘര്‍ഷത്തില്‍ ജീവന്‍ ത്യജിക്കേണ്ട വന്ന സംഭവം നാം മറന്നിട്ടില്ല. മുഹമ്മദ്‌ നബി (സ) തങ്ങളുടെ ഉമ്മത്തെന്നു പറഞ്ഞു അഭിമാനിക്കാന്‍ നമുക്കെന്തവകാശം? പരസ്പരം സഹോദരങ്ങളാവണമെന്ന് വിശ്വാസികളെ ശക്തമായി ഉപദേശിച്ചുകൊണ്ട് അവിടെന്ന് പ്രവാചകന്‍(സ്വ) പറയുകയുണ്ടായി “അല്ലാഹുവിന്റെ ദാസന്‍മാരേ, നിങ്ങള്‍ സഹോദരങ്ങളാവുക. ഒരു മുസ്ലിം മറ്റൊരു മുസ്ലിമിന്റെ സഹോദരനാണ്. അവനോട് അക്രമം കാണിക്കുകയില്ല; അവനെ കൈവെടിയുകയില്ല; അവനെ നിസ്സാരനായി കാണുകയില്ല. എന്നിട്ട് മൂന്ന് തവണ നെഞ്ചിലേക്ക് ചൂണ്ടിക്കൊണ്ട് പ്രവാചകന്‍(സ്വ) പറഞ്ഞു: ഇവിടെയാണ് തഖ് വ. തന്റെ സഹോദരനായ മുസ്ലിമിനെ നിന്ദിക്കുന്നതുതന്നെ തിന്മയായി ഒരാള്‍ക്ക് മതി. തന്റെ സഹോദരന്റെ രക്തവും സമ്പത്തും അഭിമാനവുമെല്ലാം ഓരോ മുസ്ലിമിനും നിഷിദ്ധമാണ്” ഈ പ്രവാചക വചനം ഉള്‍കൊള്ളുന്ന ഒരാള്‍ക്ക്‌ എങ്ങനെ ഒരു വിശ്വാസിയെ ശത്രുവായി കാണാന്‍ കഴിയുക? പക്ഷെ ഇവിടെ പകയും ഭിന്നിപ്പും വിദ്ധ്വേഷവും എല്ലാത്തിനും വഴിമാറി തരുന്നു. എത്രത്തോളമെന്നു പറഞ്ഞാല്‍ എതിര്‍ വിഭാഗത്തെ പ്രതികൂട്ടിലാക്കാന്‍ സ്വന്തം കുട്ടികള്‍ക്ക് അറിവുനുകര്‍ന്ന് തരുന്ന ഓത്തുപള്ളി ഇരുട്ടിന്‍റെ മറവില്‍ സ്വന്തം കൈകള്‍ കൊണ്ട് തന്നെ പരിശുദ്ധ ഖുര്‍ആന്‍ ഉള്‍പെടെ അഗ്നികിരയാക്കികൊണ്ട് പ്രതികാര ദാഹം തീര്‍ക്കുന്നിടത്ത് എത്തി നില്‍ക്കുന്നു (നഊദുബില്ലാഹ്). പള്ളിയും മദ്രസയും ആക്രമിച്ചു പ്രതികാരം തീര്‍ക്കുന്ന വേറെയും സംഭവങ്ങള്‍ ഉണ്ടായി. മുമ്പൊന്നുമില്ലാത്ത അപകടകരമായ അവസ്ഥയിലേക്കാണ് നാം പോകുന്നത് എന്ന തിരിച്ചറിവ് ഈ സംഭവത്തില്‍ നിന്നെങ്കിലും ഉണ്ടാവേണ്ടതായിരുന്നു. പക്ഷെ  ഇതിന്‍റെ ഗൗരവം മനസിലാക്കി വേണ്ട നടപടികള്‍ ഉള്‍കൊള്ളുന്നതിനു പകരം പരസ്പരം പഴിചാരി അക്രമികളെ സഹായിക്കുന്ന നിലപാട് അത് വലിയ ദുരന്തത്തിലായിരിക്കും അവസാനിക്കുക. അതാണല്ലോ പിന്നീടുള്ള സംഭവങ്ങള്‍ നമ്മുക്ക് നല്‍കുന്ന പാഠം. അള്ളാഹു നമ്മെ കാത്തു രക്ഷിക്കട്ടെ-ആമീന്‍.

seyyid-1

സുന്നത്ത്  ജമാഅത്തിനെതിരില്‍ ഉദയംകൊണ്ട വഹാബികളും മറ്റ് ബിദഈ കക്ഷികളും പ്രസ്തുത കക്ഷികള്‍ ജന്മകൊണ്ടതുമുതല്‍ അവരുമായി ആശയാദര്‍ശ സംവാദങ്ങളും വാദപ്രതിവാദങ്ങളും നടന്നു വരുന്നു എന്നാല്‍ ഇന്നുവരെ അത് ഒരു സംഘര്‍ഷത്തിലേക്കോ, രക്തചൊരിചിലിലേക്കോ കാരണമായിട്ടില്ല. അതുപോലെ യുക്തിവാതികള്‍, കാദിയാനികള് , ക്രൈസ്തവര്‍ തുടങ്ങീ വിഭാഗങ്ങളുമായി വളരെ സൗഹാര്‍ദ്ദപരമായിട്ടാണ് ആശയ സംവാദങ്ങള്‍ നടന്നു വരുന്നത്‌. ഇവിടെയാണ് നമ്മള്‍ ഇന്ന് അകപെട്ടിട്ടുള്ള അപകടകരമായ അവസ്ഥയെ കുറിച്ച്  ഗൗരവമായി ചിന്തികേണ്ടത്. ഒരേ ആദര്‍ശത്തില്‍ നിലകൊള്ളുന്ന നമ്മള്‍ എന്തിനു ഗ്രൂപ്പുകളായി തിരിഞ്ഞ്  ഏറ്റുമുട്ടി സമാധാനന്തരീക്ഷം ഇല്ലാതാക്കുന്നു?നമുക്ക് ഇതിനൊരു അറുതി വരുത്തേണ്ടതില്ലേ? ഇരു സമസ്തയിലെ പണ്ഡിതന്മാര്‍ മുന്നിട്ടിറങ്ങി വഴിതെറ്റിയ യുവാക്കളെ ബോധവല്‍ക്കരണം നടത്തി സമാധാനാന്തരീക്ഷം പുന:സ്ഥാപിക്കല്‍ അനിവാര്യമായിരിക്കുന്നു. ഇതിന്‍റെ ഗൗരവം മനസിലാക്കിയാവണം ബഹു: റഹ്മത്തുള്ള ഖാസിമി മുസ്‌ലീം സമുദായത്തിലെ വിഭാഗീയതക്കും പരസ്പര ശത്രുതക്കുമെതിരെ ബോധാവല്‍കരണമായി മുന്നോട്ടുവന്നിട്ടുള്ളത്. അത് സുന്നി കൈരളിക്ക് ശുഭസൂചന നല്‍കുന്നു. അദ്ദേഹത്തിന്‍റെ വാക്കുകളില്‍ നിന്ന് “തമ്മില്‍ത്തല്ല് അവസാനിപ്പിച്ച് മുസ്ലിംങ്ങള്‍ ഒന്നാകണം. പരദൂഷണമാണ് കൈകൊണ്ടുള്ള അക്രമത്തേക്കാള്‍ വലിയ അക്രമം……ഈ നിലക്ക് പോയാല്‍ മുമ്പ് സ്‌പെയിനില്‍ സംഭവിച്ചത് ഇവിടെയും സംഭവിക്കും. 800 വര്‍ഷം മുസ്‌ലീങ്ങള്‍ ഭരിച്ച സ്‌പെയിനില്‍ അവര്‍ പരസ്പരം തല്ലിയതിന്റെ ഭാഗമായി അവിടെ മുസ്‌ലീങ്ങള്‍ക്ക് ഇന്ന് ഒരു പഞ്ചായത്ത് പോലും ഇല്ലാത്ത സ്ഥിതിയാണ്.” വര്‍ത്തമാന സുന്നി കൈരളിക്ക് ഇത്തരം പണ്ഡിതന്മാരുടെ സാന്നിധ്യവും ഉദ്ബോധനവും അത്യാവശ്യമായിരിക്കുന്നു. മറ്റ് പണ്ഡിതന്മാരും ഗ്രൂപ്പുകള്‍ക്കപ്പുറം മുസ്ലിം സഹോദരന്മാര്‍ തമ്മിലുള്ള ശത്രുതയകറ്റി മനസുകളെ അടുപ്പിക്കുന്നതിനുവേണ്ടി കര്‍മ്മ പരിപാടികളുമായി രംഗത്തിറങ്ങേണ്ടാതാണ്. ഇരു സമസ്തയിലെ വന്ദ്യരായ പണ്ഡിതന്മാരും പാണക്കാട് സെയ്യിദന്മാരും ഒരുമിച്ചിരുന്ന്‍ സമുദായത്തിനുള്ളില്‍ സമാധാനാന്തരീക്ഷം പുന:സ്ഥാപിക്കാന്‍ വേണ്ട നടപടികള്‍ക്ക് രൂപം നല്‍കേണ്ടതാണ്. ബഹു സയ്യിദ്‌ ഖലീല്‍ അല്‍ ബുഖാരി, സയ്യിദ്‌ മുവവ്വറലി ശിഹാബ്‌ തങ്ങള്‍, റഹ്മത്തുള്ള ഖാസിമി തുടങ്ങിയവര്‍ സംയുക്തമായി പ്രസ്താവനയിറക്കി ഒരു നല്ല തുടക്കത്തിനു നാന്തി കുറിക്കട്ടെ. കൂടാതെ മുസ്ലിം ലീഗും സമുദായത്തിലെ രാഷ്ട്രീയ സാമൂഹിക രംഗങ്ങളില്‍ അറിയപെടുന്ന എം എ യൂസഫലി സാഹിബ്, ഗള്‍ഫാര്‍ മുഹമ്മദലി തുടങ്ങിയ മഹല്‍ വെക്തികളും മുന്‍കയ്യെടുത്താല്‍  ഉരുണ്ടുകൂടിയ ഈ കാര്‍മേഘത്തെ ഒരു പരിധിവരെ ഇല്ലാതാക്കാന്‍ കഴിഞ്ഞേക്കാം.

yousaf-muhamad ali

മഹല്ലുകളില്‍ സമാധാനം പുലരാന്‍ :

  • പള്ളികളില്‍ പ്രത്യേകിച്ച് ജുമുഅ ദിവസങ്ങളില്‍ സുന്നികള്‍ക്കിടയിലെ വിവാദ വിഷയങ്ങള്‍ ചര്‍ച്ച ചെയ്യാതിരിക്കുക.

  • ഖതീബ് വിശ്വാസികള്‍ തമ്മില്‍ നിലനില്‍ക്കേണ്ട സാഹോദര്യത്തെ കുറിച്ച് പഠിപ്പിക്കുകയും സഹോദരങ്ങള്‍ തമ്മില്‍ രഞ്ജിപ്പുണ്ടാക്കണമെന്ന് കല്‍പിക്കുകയും ചെയ്യുക.

  • പള്ളി മദ്രസ യതീംഖാന തുടങ്ങി ദീനി സ്ഥാപനങ്ങളെ അക്രമങ്ങള്‍ക്ക് കരുവാക്കാതിരിക്കുക.

  • മറ്റുള്ളവരെ പ്രകോപിക്കും വിധം പ്രവര്‍ത്തനങ്ങളില്‍നിന്നും അനുയായികളെ നിരുല്‍സാഹപെടുത്തുക.

വിശ്വാസികള്‍ തമ്മില്‍ നിലനില്‍ക്കേണ്ട സാഹോദര്യത്തെക്കുറിച്ച് പഠിപ്പിക്കുകയും സഹോദരങ്ങള്‍ തമ്മില്‍ രഞ്ജിപ്പുണ്ടാക്കണമെന്ന് കല്‍പിക്കുകയും ചെയ്യുന്ന ഖുര്‍ആന്‍ പ്രസ്തുത സാഹോദര്യത്തെ തകര്‍ക്കുന്ന ആറ് കാര്യങ്ങളില്‍നിന്ന് വിട്ടുനില്‍ക്കണമെന്നുകൂടി നിഷ്കര്‍ഷിക്കുന്നുണ്ട്. പരസ്പരം പരിഹസിക്കാതിരിക്കുക, അപമാനിക്കാതിരിക്കുക, കുത്തുവാക്കുകള്‍ പറയാതിരിക്കുക, ഊഹിച്ച് പറയാതിരിക്കുക, ചാരവൃത്തി നടത്താതിരിക്കുക, പരദൂഷണം പറയാതിരിക്കുക എന്നിവയാണ് സാഹോദര്യം തകരാതിരിക്കുന്നതിനായുള്ള ഖുര്‍ആനിന്റെ ഷഡ് നിര്‍ദേശങ്ങള്‍. (ഖുര്‍ആന്‍ 49:10-12). ഈ നിര്‍ദേശങ്ങള്‍ പാലിക്കുന്നതില്‍ വീഴ്ച വരുത്താതിരിക്കാന്‍ നാം ശ്രദ്ധിക്കുകയാണെങ്കില്‍ സാഹോദര്യവും സ്നേഹവും നിലനില്‍ക്കുമെന്നുറപ്പാണ്. വിശ്വാസിയെ പരിഹസിക്കുകയും അയാളുടെ അഭിമാനത്തിന് ക്ഷതം വരുത്തുകയും അയാളുടെ സ്വകാര്യതകള്‍ ചുഴിഞ്ഞന്വേഷിച്ച് അത് ജനങ്ങള്‍ക്കിടയില്‍ പരസ്യപ്പെടുത്തുകയും ചെയ്യുന്നവര്‍ ഭൂമിയില്‍വെച്ച് വെറുപ്പിന്റെ പ്രചാരകരും പ്രസാരകരുമായി നിലനില്‍ക്കുന്നവരും പരലോകത്തുവെച്ച് അല്ലാഹുവിന്റെ വെറുപ്പിന് പാത്രമായി തീരുന്നവരുമായിരിക്കുമെന്ന വസ്തുതയിലേക്കാണ് ഖുര്‍ആന്‍ ഇവിടെ വിരല്‍ചൂണ്ടുന്നതെന്ന് മനസ്സിലാക്കുവാനും പ്രസ്തുത തിന്മകളില്‍നിന്ന് മാറി നില്‍ക്കുവാനും വിശ്വാസികള്‍ക്ക് കഴിയേണ്ടതുണ്ട്.

പ്രവാചകന്‍(സ്വ) തങ്ങളുടെ നിര്‍ദേശങ്ങള്‍ :

പരസ്പരസ്നേഹം വിശ്വാസികളില്‍ നിര്‍ബന്ധമായും ഉണ്ടാകേണ്ടതാണെന്ന് പഠിപ്പിച്ച പ്രവാചകന്‍(സ്വ) അത് നിലനിര്‍ത്തുന്നതുമായി ബന്ധപ്പെട്ട ശ്രദ്ധേയമായ ചില നിര്‍ദേശങ്ങള്‍ മുന്നോട്ടുവെക്കുന്നുണ്ട്. അവയില്‍ പ്രധാനപ്പെട്ടവ ഇവയാണ്:

  1. സ്വന്തത്തിന് ഇഷ്ടപ്പെടുന്നത് സഹോദരനുവേണ്ടിയും ഇഷ്ടപ്പെടുക. “അനസില്‍(റ) നിന്ന്: നബി(സ്വ) അരുളി: തനിക്കുണ്ടാകണമെന്ന് ഇഷ്ടപ്പെടുന്നത് തന്റെ സഹോദരനുവേണ്ടി ഇഷ്ടപ്പെടുന്നതുവരെ നിങ്ങളിലാരും വിശ്വാസിയാവുകയില്ല.”(9)

  2. പരസ്പരം നാവുകൊണ്ട് അക്രമിക്കാതിരിക്കുക. “അബ്ദുല്ലാഹിബ്നു അംറില്‍(റ) നിന്ന്: നബി(സ്വ) അരുളി: ആരുടെ കൈയില്‍നിന്നും നാവില്‍നിന്നും മുസ്ലിംകള്‍ സുരക്ഷിതരാണോ അവനാണ് (സമ്പൂര്‍ണനായ) മുസ്ലിം. അല്ലാഹു വിലക്കിയത് വര്‍ജിക്കുന്നവനാണ് മുഹാജിര്‍.”(10)

  3. പരസ്പരം ന്യൂനതകള്‍ മറച്ചുവെക്കുക. “അബൂഹുറയ്റ(റ)യില്‍നിന്ന്: നബി(സ്വ) പറഞ്ഞു: അടിമ മറ്റൊരാളുടെ ന്യൂനതകള്‍ ഇഹലോകത്ത് മറച്ച് വെക്കുന്നുവെങ്കില്‍ പരലോകത്ത് അല്ലാഹു അവന്റെ ന്യൂനതകള്‍ മറച്ച് വെക്കും.”(11)

  4. അസൂയ, വെറുപ്പ്, പിണക്കം എന്നിവ ഉണ്ടാകാതെ സൂക്ഷിക്കുക. “അനസില്‍(സ്വ)നിന്ന്: നബി(സ്വ) പറഞ്ഞു: നിങ്ങള്‍ പരസ്പരം ദേഷ്യപ്പെടുകയോ അസൂയ കാണിക്കുകയോ അന്യോന്യം പുറംതിരിഞ്ഞ് (പിണങ്ങി) നില്‍ക്കുകയോ ചെയ്യരുത്. അല്ലാഹുവിന്റെ അടിയാറുകളേ, നിങ്ങള്‍ സഹോദരങ്ങളാവുക. മൂന്ന് ദിവസത്തിലധികം തന്റെ സഹോദരനുമായി (മുസ്ലിമുമായി) പിണങ്ങിനില്‍ക്കല്‍ മുസ്ലിമിന് അനുവദനീയമല്ല.”(12)

  5. ചുഴിഞ്ഞന്വേഷിച്ച് തെറ്റുകുറ്റങ്ങള്‍ പ്രചരിപ്പിക്കരുത്. “അബൂഹുറയ്റ(റ)യില്‍ നിന്ന്: നബി(സ്വ) പറഞ്ഞു: ഊഹത്തെ നിങ്ങള്‍ കരുതിയിരിക്കുക. ഊഹം സംസാരത്തിലെ ഏറ്റവും വലിയ കള്ളമാണ്. നിങ്ങള്‍ മറഞ്ഞ കാര്യങ്ങളും സ്ഥിതിഗതികളും തേടി നടക്കരുത്. ജനങ്ങളുടെ കുറ്റങ്ങളും കുറവുകളും ചുഴിഞ്ഞന്വേഷിക്കരുത്. പരസ്പരം മല്‍സരിക്കരുത്. അസൂയ കാണിക്കരുത്. ദേഷ്യപ്പെടരുത്, പരസ്പരം പുറംതിരിഞ്ഞ് (പിണങ്ങി)നില്‍ക്കരുത്. അല്ലാഹുവിന്റെ ദാസന്മാരെ, നിങ്ങള്‍ സഹോദരങ്ങളായി വര്‍ത്തിക്കുക.”(13)

  6. പരസ്പരം പരദൂഷണം പറയരുത്. “അബൂഹുറയ്റ(റ)യില്‍നിന്ന്: നബി(സ്വ) പറഞ്ഞു: ‘ഗീബത്ത് എന്താണെന്ന് നിങ്ങള്‍ക്കറിയാമോ?’ സ്വഹാബികള്‍ പറഞ്ഞു: അല്ലാഹുവിനും അവന്റെ റസൂലിനുമാണ് ഏറെ അറിവുള്ളത്. അവിടുന്ന് പറഞ്ഞു: നിന്റെ സഹോദരനെ കുറിച്ച് അവര്‍ വെറുക്കുന്നത് പറയലാണ്. ഒരാള്‍ ചോദിച്ചു. ‘ഞാന്‍ പറയുന്നത് സഹോദരനില്‍ ഉള്ളതാണെങ്കിലോ? അവിടുന്ന് പറഞ്ഞു: നീ പറയുന്ന കാര്യം സഹോദരനില്‍ ഉള്ളതാണെങ്കില്‍ അതാണ് ഗീബത്ത് (പരദൂഷണം) അവനില്‍ ഇല്ലാത്തതാണെങ്കില്‍ അവനെ കുറിച്ച് നീ കളവ് പറഞ്ഞു.”(14)

  7. പരസ്പരം നന്മക്കുവേണ്ടി പ്രാര്‍ഥിക്കുക. “സ്വഫ്വാനില്‍(റ) നിന്ന്: അദ്ദേഹം അബ്ദുല്ലാഹിബ്നു സ്വഫ്വാന്റെ പുത്രനാണ്- അദ്ദേഹത്തിന്റെ ഭാര്യയാണ് ദര്‍ദാഅ്. അദ്ദേഹം പറഞ്ഞു: ഞാന്‍ ശാമില്‍ ചെന്നു. അബൂദ്ദര്‍ദാഇന്റെ വീട്ടില്‍ എത്തി. വീട്ടില്‍ അദ്ദേഹത്തെ കണ്ടില്ല. ഉമ്മുദ്ദര്‍ദാഇനെ കണ്ടു. അവര്‍ ചോദിച്ചു: ഈ വര്‍ഷം നീ ഹജ്ജ് ചെയ്യാന്‍ ഉദ്ദേശിക്കുന്നുവോ? ഞാന്‍ പറഞ്ഞു: അതെ, അപ്പോള്‍ അവര്‍ ആവശ്യപ്പെട്ടു: ഞങ്ങള്‍ക്കുവേണ്ടി നന്മക്കായി നീ അല്ലാഹുവിനോട് പ്രാര്‍ഥിക്കണം. കാരണം നബി(സ്വ) പറയാറുണ്ട്, തന്റെ സഹോദരന്റെ അഭാവത്തില്‍ അവനുവേണ്ടി ഒരു മുസ്ലിം നടത്തുന്ന പ്രാര്‍ഥന സ്വീകരിക്കപ്പെടുന്നതാണ്. അവന്റെ തലഭാഗത്ത് ഏല്‍പ്പിക്കപ്പെട്ട ഒരു മലക്കുണ്ട്. അവന്‍ തന്റെ സഹോദരനുവേണ്ടി പ്രാര്‍ഥിക്കുമ്പോഴൊക്കെ ഏല്‍പിക്കപ്പെട്ട മലക്ക് പറയും: ‘ആമീന്‍, അതുപോലെ നിനക്കും ലഭിക്കും’ അദ്ദേഹം പറഞ്ഞു: അനന്തരം ഞാന്‍ അങ്ങാടിയിലേക്ക് പുറപ്പെട്ടു. അവിടെ അബുദ്ദര്‍ദാഇനെ കണ്ടുമുട്ടി. അദ്ദേഹവും നബി(സ്വ)യില്‍ നിന്ന് ഉദ്ധരിച്ചുകൊണ്ട് ഉമ്മുദ്ദര്‍ദാഅ് പറഞ്ഞതുപോലെ എന്നോട് പറഞ്ഞു.”(15)

ഈ നിര്‍ദേശങ്ങളെല്ലാം അനുസരിക്കുവാന്‍ നാം സന്നദ്ധമായാല്‍ നമുക്ക് പരസ്പരം സ്നേഹിക്കാനാവും. അല്ലാഹുവിന്റെയും പ്രവാചകള്‍ നബി (സ്വ) തങ്ങളുടെയും  പേരില്‍ പരസ്പരം സ്നേഹിക്കുവാന്‍ സാധിച്ചാല്‍ പരലോകത്ത് അസൂയാര്‍ഹമായ സ്ഥാനമാനങ്ങള്‍ നേടിയെടുക്കുവാന്‍ സാധിക്കും. തീരുമാനിക്കേണ്ടത് നമ്മളാണ്. പരസ്പരം വെറുത്ത് അല്ലാഹുവിന്റെയും റസൂലിന്റെയും വെറുപ്പിന് പാത്രമാവേണമോ? അതല്ല അല്ലാഹുവിനുവേണ്ടി പരസ്പരം സ്നേഹിച്ച് അവന്റെ സ്നേഹത്തിന് നിമിത്തമാകണമോയെന്ന്? പരസ്പരം സ്നേഹിക്കുകയും അങ്ങനെ അല്ലാഹുവിന്റെ അവന്‍റെ റസൂലിന്റെയും സ്നേഹത്തിന് പാത്രമാവുകയും ചെയ്യാന്‍ അല്ലാഹു നമ്മെ അനുഗ്രഹിക്കട്ടെ (ആമീന്‍)

Abu Ahmed – Chief Correspondent – Media of Muslim Ummath

24 comments on “അതിരുവിടുന്ന ഈ പോക്ക് അപകടത്തിലേക്ക് …?

  1. തിരുകേശ വിഷയം എങ്ങനെ അവസാനിപ്പിക്കാം? വളരെ എളുപ്പം ഉള്ള വഴികള്‍ ഉണ്ട്..സഹകരിക്കേണ്ടത് ഒരു തരം മഞ്ഞ കണ്ണട ഉപയോഗിച്ച് ലേഖനം എഴുതിയ ആളുടെ സംഘടനയുടെ ആള്‍ക്കാര്‍ ആണ്…
    1. പാണക്കാട് കുടുംബത്തെ അല്ലെങ്കില്‍ ഈ വിഷയത്തില്‍ നിങ്ങള്ക് താല്‍പ്പര്യം ഉള്ള നിഷ്പക്ഷരെ ഉള്‍പെടുത്തി തിരുകേശം ആണോ എന്നറിയാന്‍ നിഴല്‍ അല്ലെങ്കില്‍ കത്തിച്ചു നോക്കുക..(പാടില്ല എന്ന് പറഞ്ഞു പ്രഷര്‍ ആകണ്ട..ഖസ്രജി ചെയ്തു എന്ന് നിങ്ങളുടെ നേതാക്കള്‍ പ്രസംഗിച്ചു…ഹക്കീം അസ്ഹരിയുടെ പുസ്തകത്തില്‍ അങ്ങനെ എഴുതി…) അതോടെ ഈ വിവാദം അവസാനിക്കും…ഇ കെ വിഭാഗം സഹകരിക്കാന്‍ തയ്യാറാണ്…കാന്തപുരം വിഭാഗമോ?
    2. ഖസ്രജിക്കും കന്തപുരത്തിനും മുടി കൊടുത്ത ജാലിയ വാലയെ പോയി കണ്ടു കാര്യങ്ങള്‍ പഠിക്കുക…പക്ഷെ അവിടെ പോകണ്ട എന്ന് പേരോട്..എ പി ഉസ്താദ്‌ പരിശോടിച്ചതാണ് എന്നാണ് കാരണം..പക്ഷെ അത് തെറ്റി പോയി എന്ന് തെളിവ് സഹിതം ഞങ്ങള്‍ പറഞ്ഞു തന്നു…വേണം എങ്കില്‍ പോയി വീണ്ടും പരിശോധിക്കാന്‍ ഞങ്ങള്‍ തയ്യാറാണ്…കാന്തപുരം വിഭാഗം തയ്യാറുണ്ടോ? എങ്കില്‍ മുടി വിഷയം അതോടെ കേരളത്തില്‍ അവസാനിക്കും….

    എന്താണ് തിരുകെശത്തിലെ പ്രശനം? എ പി വിഭാഗത്തിലെ ഒരു വിധം പണ്ടിതന്മാര്‍ക്ക് ഇത് വ്യാജം ആണ് എന്ന് ബോധ്യപ്പെട്ടു…പക്ഷെ കലശലായ സംഘടന സ്നേഹം അവരെ അത് തള്ളാന്‍ സമ്മതിക്കുന്നില്ല….ഞങ്ങള്‍ക്ക് എന്തായാലും ഒരു കള്ളാ മുടിയെ തിരു കേശം ആകാന്‍ കഴിയില്ല…അത് തീര്‍ത്തിട്ട് മതി സമുദായ ഐക്യം…പിന്നെ വിവാഹ പ്രായ വിഷയത്തില്‍ സമസ്തയെ എതിര്‍ക്കാന്‍ ഏക സിവില്‍ വാധികല്ക് ചൂട്ട പിടിച്ച നിങ്ങള്ക് എന്തെ ഇപ്പോള്‍ ഒരു ഐക്യ ബോധം? അറിയാന്‍ താല്പര്യം ഉണ്ട്…

    മഹല്ലുകളില്‍ സമാധാനം പുലരാന്‍ എന്നൊക്കെ പറഞ്ഞു നീണ്ട ലേഖനം എഴുതിയത് കൊണ്ട് കാര്യം നടക്കില്ല…ആത്മാര്‍ഥത ഉണ്ടോ? പത്തു മിനുട്ട് മതി …അല്ലാതെ നീണ്ട ലേഖനം എഴുതിയത് കൊണ്ട് ഐക്യം ഉണ്ടാകില്ല….

    • ഐക്യമാവുകയോ അല്ലാതിരിക്കുകയോ ചെയ്യേട്ടെ, ഇവിടെ നമുക്ക് വേണ്ടത് സമാധാനമാണ് , കൈ വിട്ടുകൊണ്ടുള്ള ഈ കൊലപാതകങ്ങളും ആരാധനാലയങ്ങള്‍ അക്രമത്തിരയാക്കുന്നതും ഒഴിവാക്കാന്‍ വേണ്ടിയാണ് ഈ എളിയ ശ്രമം. ഞങ്ങള്‍ ഇരു സമസ്തയേയും ബഹുമാനിക്കുന്നു.

      • Shahbas Malik enna janduvine poleyullavar orikkalum samadanam undavan sammathikkilla, avare upadeshichittu karyavumilla kaaranam prashnangal undakkiyal mathrame avark nilanilpulloo allenkil keralathil vidhoora bhaviyil sk enna gunda sangam nashichu theerum.

      • ഞങ്ങള്‍ ഇരു സമസ്തയേയും ബഹുമാനിക്കുന്നു…..ഇതു തന്നെ വലിയ കളവാണ് എന്ന് നിങ്ങളുടെ ഈ പോസ്റ്റു വായിച്ചപ്പോള്‍ എനിക്ക് മനസ്സിലാകുന്നു .ഞാന്‍ നിഷ്പക്ഷ മാണ്.നിങ്ങള്‍ ഇതില്‍ ഉടനീളം ഒരു വിഭാകത്തെ വെള്ളപൂശാന്‍ ശ്രമിക്കുന്നു …..രണ്ടു വിഭാകവും പാലം തെറ്റിയാ ഓടികൊണ്ടിരിക്കുന്നത് …ഇരു വര്‍ക്കും സ്വനധം പാര്‍ടി സിന്ദാബാദ് എന്നാ മുദ്രാവാക്യമാണ് ….മൂന്നാമത് ആരെങ്കിലും മുന്നോട്ടു വന്നാല്‍ രണ്ടു വിഭാകവും അതിനു തയ്യാറുമല്ല …..എന്നതാണ് സത്യം…

    • പ്രിയ സഹോദരാ,

      രണ്ടു സംഘടനകളും ഒന്നാവണം നിങ്ങള്ക് സിന്ദാബാദ് വിളിക്കാഞ്ഞു ഞങ്ങള്ക് വയ്യതായിക്കുന്നു. അതുകൊണ്ട് നിങ്ങൾ വേകം വന്നു ഞങ്ങളെ ലയിപ്പിക്കു…. എന്നൊന്നുമല്ല ഈ പറഞ്ഞത്. നിങ്ങൾ നിങ്ങളുടെ പരിപാടികളുമായി മുന്നോട്ട് പോവുക. ഞങ്ങൾ ഞങ്ങളുടെ പരിപാടിയുമായി പോയിക്കൊള്ളാം അതിനു നിങ്ങൾ അനുവദിക്കുക,. തിരുകേശം തിരുകേശം തന്നെയാണ് എന്ന് ഞങ്ങൾ വിശ്വസിക്കട്ടെ, അതിനു സ്വാതന്ത്ര്യം ഞങ്ങള്ക് തരിക. നിങ്ങള്ക്കത് വ്യാജ കേഷമാണ് എന്ന് വിശ്വസിക്കാം അതിനു സ്വാതന്ത്രം നിങ്ങള്കുണ്ട് . അത് വ്യാജമാനെന്നു നിങ്ങള്ക് മൈക്ക് കെട്ടി പ്രസങ്ങികാനും സ്വാതന്ത്ര്യം ഉണ്ട് അതും ചെയ്യാം, ഞങ്ങൾ കത്തിയും വടിവാളും നിങ്ങള്കെതിരെ എടുക്കില്ല. ഞങ്ങൾക്ക് പള്ളിയുണ്ടാക്കാൻ ഉള്ള സ്വതന്ത്രം നിങ്ങൾ അനുവദിക്കണം. നിങ്ങള്ക് അതിനെതിരെ പ്രചരണം നടത്താൻ സ്വാതന്ത്ര്യം ഉണ്ട്. അത് ഉപയോഗിക്കാം. ഞങ്ങള്ക് എതിര്പ്പില്ല, ഞങ്ങള്കെതിരെ പ്രസങ്ങിക്കാൻ നിങ്ങള്ക് സ്വാതന്ത്ര്യമുണ്ട്. അത് നിങ്ങള്ക് ഉപയോഗിക്കാം.

      പക്ഷെ… ഞങ്ങള്കെതിരെ ആയുധം എടുക്കാൻ നിങ്ങള്ക് സ്വാതന്ത്ര്യമില്ല, അത് മാനുഷികതക്ക് തന്നെ എതിരാണ്. ആധുനിക നാഗരീക സമൂഹത്തിനു തന്നെ നാണക്കേടാണ് അത്തരം പ്രവർത്തനങ്ങൾ . നിങ്ങൾ ഖുറാൻ കത്തിക്കരുത് , അത് മുസല്മാണ് യോജിച്ച പണിയല്ല. നിങ്ങൾ മദ്രസ്സകൾ തീ വെക്കരുത് അത് ഫാസിസ്റ്റുകളുടെ പണിയാണ്. ഖുതുബ നിര്വഹിച്ചു കൊണ്ടിരിക്കുന്ന ഖതീബിനെ നിങ്ങൾ ആക്രമിക്കരുത് അത് കാടത്തമാണ്, നിങ്ങൾ നിരപരാധികളായ മുസ്ലിം സഹോദരങ്ങളെ കൊല്ലരുത്. അത് ഇസ്ലാമികമല്ല.

      മുസ്ലിം പൊതു മേഖല ഇന്ത്യയില വളരെ വിശാലമാണ്. കാന്തപുരം പ്രവര്ത്തിക്കുന്നത് നിങ്ങള്കെതിരെയല്ല. സമുദായത്തിന് വേണ്ടിയാണ്. ആദ്ദേഹം നിങ്ങളുടെ അവസരങ്ങൾ തട്ടിയെടുക്കുന്നില്ല. അദ്ദേഹം സ്വയം കണ്ടെത്തുകയായിരുന്നു. നിങ്ങൾ തന്നെ പറയുന്നില്ലേ, കാന്തപുരം പോവുമ്പോൾ കൂടെ നാലളാണ് ഉണ്ടായിരുന്നത് എന്ന്. അദ്ദേഹത്തിന് അവിഭക്ത സമസ്തയുടെ മദ്രസ്സകൾ ഒന്നും കിട്ടിയിട്ടില്ല, എല്ലാം തന്നെ സ്വന്തം ഉണ്ടാക്കിയതാണ്, കോളെജുകളും യതീം ഖനകളും സ്കൂളുകളും പള്ളികളും എല്ലാം അവിടെനിന്നു ഇറങ്ങി പോന്ന ശേഷം സ്വന്തമായി ഉണ്ടാക്കിയതാണ്. തരാവ്വ്ട്ടു സ്വത്തു മുഴുവനായും തന്നെ നിങ്ങളുടെ കയ്യിൽ തന്നെയാണ്. അതിന്റെ ഓഹരിയൊന്നും അദ്ദേഹം ഇന്നേവരെ ചോതിച്ചിട്ടില്ല, ഇനിയും ചോതിക്കാൻ പ്ലാനും ഇല്ല, അതിനാൽ അദ്ദേഹത്തെയും അനുയായികളെയും വെറുതെ വിടുക, നിങ്ങള്കുള്ള പ്രവര്ത്തന മേഖലകൾ കണ്ടെത്തുകയും സമുദായത്തിന് വേണ്ടി

      ക്രിയാത്മകമായി എന്തെങ്കിലും ചെയ്യാൻ തയ്യാറാവുകയും ചെയ്യുക.

      ഞങ്ങള്ക് വേണ്ടത് സമാധാനപരമായി ദീനീപ്രവര്തനം നടത്താനുള്ള സാഹചര്യം മാത്രമാണ്.അതിനു നിങ്ങൾ തയ്യാറാവുക.ഞങ്ങൾ ആര്ക്കും എതിരല്ല , ഞങ്ങളുടെ എതിര്പ്പ് സമുദായത്തിന്റെ ഇന്നത്തെ ദയനീയ അവസ്ഥയോട് മാത്രമാണ്. അതിനെതിരെയാണ് ഞങ്ങളുടെ പോരാട്ടം. കേരളത്തിലേതിനേക്കാൾ പതിന്മാടങ്ങ് ദയനീയമാണ് ഉത്തര -പൂർവ ഇന്ത്യയിലേത്‌. അവിടെയെല്ലാം ഞങ്ങളാൽ കഴിയുന്ന സേവനങ്ങള അര്പ്പിക്കാൻ ശ്രമിക്കുകയാണ് ഞങ്ങൾ. മദ്രസ്സകളും പള്ളികളും സ്കൂളുകളും കിണറുകളും എല്ലാം ഉണ്ടാക്കാനും അവിടുത്തെ നമ്മുടെ സഹോദരങ്ങളെ കഴിയുന്ന പോലെ കൈപിടിച്ച് ഉയര്താനും സ്രമിക്കുഅക്യാനു ഞങ്ങൾ. ദയവു ചെയ്തു അതിനു തടസ്സം നിലകാതെ, ഒരു പാരമ്പര്യമുള്ള മത സംഘടന എന്നാ നിലയിൽ നിങ്ങളാൽ കഴിയുന്ന സേവനങ്ങളുമായി നിങ്ങളും മുന്നിട്ടിറങ്ങുക.

      അല്ലാതെ കാന്തപുരത്തിന്റെ പക്കലുള്ള തിരുകേശം തിരുകെഷമാല്ല്ല എന്ന് സ്ഥാപിച്ചത് കൊണ്ടോ, അതിനെ നിങ്ങൾ കൂടി അന്ഗീകരിച്ചത് കൊണ്ടോ സമുദായത്തിന് പ്രത്യേകിച്ച് ഒന്നും കിട്ടാനില്ല, അതിനാല തിരുകേശം തിരുകേശം തന്നെ എന്ന് വിശ്വസിക്കുന്നവർ അങ്ങിനെ നില്കട്ടെ, അല്ല എന്ന് വിസ്വസിച്ച്ചവർ അങ്ങിനെയും തുടരട്ടെ, അവനവന്റെ പരിപാടികളുമായി സമാധാനത്തോടെ മുന്നോട്ട് പോവട്ടെ, അത്രമാത്രമാണ് ഞങ്ങൾ ആഗ്രഹിക്കുന്നത്. നിങ്ങള്ക് വിശ്വസിക്കാതിരിക്കാനുള്ള സ്വാതന്ത്ര്യം വക വെച്ച് കിട്ടുന്ന കാലത്തോളം ഞങ്ങള്ക് വിശ്വസിക്കാനുള്ള സ്വാതന്ത്ര്യം നിങ്ങളും വക വെച്ച് തരിക. നമുക്ക് സമാധാനത്തോടെ നമ്മുടെ പ്രവർത്തനങ്ങളുമായി മുന്നോട്ടു പോവാം.

      അതിനു നിങ്ങൾ ഞങ്ങളുമായി ലയിക്കുകയോ, ഞങ്ങൾ നിങ്ങളുമായി ലയിക്കുകയോ ചെയ്യേണ്ടതില്ല.

      നാളെ രബ്ബിബ്റെ അടുത്ത് ചെല്ലുമ്പോൾ രബ്ബിന്റെ ചോദ്യത്തിന് മറുപടി പറയേണ്ടവരാന് നാം എന്നാ ബോധം വെച്ച് കൊണ്ടുള്ള പ്രവർത്തനങ്ങൾ മാത്രം ചെയ്യുക. ഒരു മുസ്ലിമിനെ അകാരണമായി കൊല ചെയ്‌താൽ , നാട്ടിൽ ഫിത്നക്ക് കാരമാവുന്ന പ്രവര്തനങ്ങല്ക് നാം കാരണമായാൽ , റബ് നേരിട്ട് സംരക്ഷം ഏറ്റെടുത്ത വിശുദ്ദ ഖുറാൻ കത്തിക്കാൻ നാം തന്നെ കാരണക്കരായാൽ , പന്ധിതന്മാർ അവഹേളിക്കുകയും തെറി പരയ്കയും ചെയ്യാൻ നാം കാരനക്കാരയാൽ ,

      ഇതിനെല്ലാം നമ്മെ ഭാവി തലമുറ മാതൃക ആക്കുന്ന വിധമാണ് നമ്മുടെ ചെയ്തികൾ എന്ന് വന്നാല നമ്മുടെ പ്രവര്തനങ്ങല്ക് റബ്ബിൽ നിന്ന് എന്തെങ്കിലും ഗുണം കിട്ടുമെന്ന് നാ പ്രതീക്ഷിക്കുന്നുവോ? ………..

  2. mudi vellam cheeti poyappol undayathannow ee velipadukal?samasth onney ollu
    kure aalukaludey photos vechathu kondonu gunnam illa eppol modi alley ninghaludey nethavu modi pm aayal markasil veendum oru kallu edannam namuk oru gambira pirivum nadathaam

  3. @മുസ്ലിം ഉമ്മത്ത്‌…താങ്കളുടെ ആത്മാര്‍ഥതയെ ചോദ്യം ചെയ്യുന്നില്ല..എങ്കിലും ഒന്ന്മ രണ്ടു കാര്യങ്ങള്‍ പറയാതെ വയ്യ…നിഷ്പക്ഷം എന്ന രീതിയില്‍ എഴുതിയ ലേഖനം ആയതു കൊണ്ട്ണ്ണാ പറയുകയാണ്‌…മാന്നര്‍ക്കാട് കൊലപാതകം വളരെ അപലപനീയം ആണ്…പക്ഷെ അതില്‍ മരണപ്പെട്ട ആര്കെങ്കിലും പണ്ട് നടന്ന ഒരു കൊലപതകാംയി ബന്ധം ഉണ്ടായിരുന്നോ? ഹോസ്പിറ്റലില്‍ അഡ്മിറ്റ്‌ ആയ പ്രതി ഏതെങ്കിലും കേസില്‍ പ്രതി ആണോ? അവര്‍ക്ക് എ പി വിഭാഗവുമയാണോ അല്ലെങ്കില്‍ ഏതെങ്കിലും ഒരു പാര്ടിയുമായാണോ ബന്ധം കൂടുതല്‍? ഇത് കൂടി നോകിയിട്ട് മതി ആയിരുന്നു ഉപദേശം…പിന്നെ കന്തപുഅരം വിഭാഗത്തിന്റെ പരിപാടികളില്‍ ഒരു പാട് സ്ഥലത്ത് അവരുടെ സംഘടന ഗാനം വെക്കുന്നത് ഞാന്‍ കേട്ടിട്ടുണ്ട്…അവിടെ പോയി ഞാന്‍ ഖുര്‍ആന്‍ വെക്കണം എന്ന് പറഞ്ഞാല്‍ അവര്‍ അന്ഗീകരിക്കുമോ? സ്വാഭാവികമായും പ്രശനം ആകും..അപ്പോള്‍ പുരതുല്ലവരോദ് ഞാന്‍ പറയും ഞാന്‍ ഒന്നും പ്രശനം ഉണ്ടാകിയില്ല..പാടു നിര്‍ത്തി ഖുര്‍ആന്‍ വെക്കണം എന്ന് പറഞ്ഞപ്പോള്‍ ഇല്ല എന്ന് അവര്‍ പറഞ്ഞു എന്ന്..ഇവിടെ ആരാണ് യഥാര്‍ത്ഥ പ്രതികള്‍? അത് കൊണ്ട് കണ്ണടച്ചു ഇരുട്ട് ആകണ്ട….കൊലപാതകം പറയുമ്പോള്‍ ഒരു കാര്യം കൂടി പറയാമായിരുന്നു..ഒരു ബലി പെരുന്നാള്‍ ദിനത്തില്‍ വയനാടില്‍ വെച്ച് അബു എന്നാ ചെറുപ്പക്കാരന്‍ മരിച്ചിരുന്നു…എന്തെ അത് ഈ ലേഖനത്തില്‍ വന്നില്ല? അന്നൊന്നും ആരും കണ്ണീര്‍ ഒഴുക്കുന്നതും കണ്ടില്ല…ഐക്യം പുറമേ ഉണ്ടാക്കിയിട്ട് കാര്യം ഇല്ല..അടിത്തറ ഉണ്ടാക്കണം ആദ്യം…മഹാനയ ശംസുല്‍ ഉലമയെ പോലുള്ളവരെ ധിക്കരിച്ചു പുതിയ പ്രസ്ഥാനം ഉണ്ടാക്കി സമൂഹത്തില്‍ കുഴപ്പം ഉണ്ടാക്കിയവര്‍ക്ക് ഇപ്പോള്‍ ഉണ്ടായ ഈ ഐക്യ ബോധം എന്തിനു ആണ് എന്ന് ഞങ്ങള്ക് നന്നായി അറിയാം…മുടി വിഷയം സമസ്ത വിടും എന്ന് നിങ്ങള്‍ കരുതണ്ട….

  4. തികച്ചും പക്ഷപാത പരമായി കാളമൂത്ര ലേഖനം എഴുതി നിക്ഷ്പക്ഷ രാകാനുള്ള ശ്രമം
    ആണ് ലേഖനം മുഴുക്കെയും മുഴച്ചു നില്കുന്നത് .
    മുസ്ലിം ഉമ്മത്തിനിടയില് ഭിനിപ്പിനു തുടക്കം കുരിച്ചവരാണ് തിരുത്താന് തയ്യാരകേണ്ടത്‌
    അപ്പോള് തീരുന്ന പ്രശ്നങ്ങളേ ഉള്ളൂ .

  5. പ്രവാചകന്‍(സ്വ) തങ്ങളുടെ നിര്‍ദേശങ്ങള്‍ : ഈ നിര്‍ദേശങ്ങള്‍ ഇന്നലെ പൊട്ടി മുളച്ചു വന്നതല്ല…എന്തെ ആയിരത്തില്‍ തോള്ളയിരതി എന്പതി ഒന്‍പതില്‍ ഈ ഹദീസ് നിങ്ങള്‍ കാണാതെ പോയത്? അന്ന് ഈ ഹദീസ് നിങ്ങള്‍ കണ്ടില്ലേ ? ഇനി ഐക്യം വേണം എന്ന് ആര്കൊക്കെ ആഗ്രഹം ഉണ്ടോ അവര്‍ ആദ്യം ചെയ്യേണ്ടത് ആ മുടിയുടെ സത്യാവസ്ഥ മിനിമം എ പി വിഭാഗത്തിലെ എല്ലാ പണ്ടിതന്മാരെയും ബോധ്യപ്പെടുത്താന്‍ ശ്രമിക്കുക്ക എന്നതാണ്…

  6. മുസ്ലിം ലീഗും സമുദായത്തിലെ രാഷ്ട്രീയ സാമൂഹിക രംഗങ്ങളില്‍ അറിയപെടുന്ന എം എ യൂസഫലി സാഹിബ്, ഗള്‍ഫാര്‍ മുഹമ്മദലി തുടങ്ങിയ മഹല്‍ വെക്തികളും മുന്‍കയ്യെടുത്താല്‍ ഉരുണ്ടുകൂടിയ ഈ കാര്‍മേഘത്തെ ഒരു പരിധിവരെ ഇല്ലാതാക്കാന്‍ കഴിഞ്ഞേക്കാം.////ഇവര്‍ ഒക്കെ വിചാരിച്ചാല്‍ മറ്റു എന്ത് പ്രശനവും തീര്നെക്കം..പക്ഷെ റസൂല്‍ (സ) യുടെ പേരില്‍ കള്ളം പറഞ്ഞു കൊണ്ട് വന്ന മുടി പ്രശനം തീര്‍ക്കാന്‍ ആയിരം ലീഗും യൂസഫ്‌ അലിമാരും നോകിയാലും നടക്കില്ല…ഒന്നുകില്‍ അത് ശരി എന്ന് തെളിയ്ക്കട്ടെ…അല്ലെങ്കില്‍ അത് വലിച്ച് എറിയട്ടെ…എന്നിട്ട് നോക്കാം ഐക്യം…ചിലരുടെ ചാരിത്ര പ്രസംഗം കേള്‍ക്കുമ്പോള്‍ ഉണ്ടായ ഒരു തരാം വികാരം ആണ് ഞാന്‍ ഇവിടെ പ്രകടിപ്പിച്ചത്…വെക്തി ഹത്യ ഉടെഷിചിട്ടില്ല…

  7. എന്തൊക്കെയായാലും ഒരു കള്ളാ മുടിയെ തിരു കേശം ആയി അന്ഗീകരിച്ച്ചുകൊണ്ടൊരു ഐക്യം സാധ്യമാവുമോ അത് മൊത്തം സമുധായത്തെ (വിശ്വാസത്തെ ) …. വന്ചിക്കലല്ലേ ദൈവ ഭയം ഉള്ളവർ ഈ വഞ്ചനക്ക് കൂട്ട് നില്കുമോ

  8. മുൻപ് നടന്ന ഒരു കൊലപാതകത്തിന്റെ തുടര്ച്ചയെന്നോണം കുടുംബ പ്രശ്നങ്ങൾ കാരണം മണ്ണാർക്കാട് സംഭവിച്ച ഒരു കൊലപാതകത്തെ സമസ്തയുടെ പേരില് കെട്ടി വെക്കാൻ “ഐക്യ” വുമായി വന്ന നിക്ചപ്ച വാദിയുടെ ശ്രമം അപലപനീയം .

  9. ആ അമ്മുവിന്റെ കേശത്തില്‍ ഒരു തീരുമാനം ഉണ്ടായാല്‍ എല്ലാ പ്രശനവും പരിഹരിക്കപ്പെടും. ഒട്ടും വേവലാതി വേണ്ട….

  10. ഒന്നിക്കാൻ നോക്കും മുൻപ് ഭിന്നിക്കാൻ ഉണ്ടായ കാര്യങ്ങൾ കണ്ടെത്തിയോ. അതിന് പരിഹാരം കിട്ടിയോ.? പണ്ഡിതന്മാരുടെ അഹങ്കാരവും, ദുനിയാവിനോടുള്ള മുഹബ്ബത്തും, എല്ലാം പണ്ഡിതന്മാരെ പൊതു ജനങ്ങൾ പോലും വെറുക്കുന്ന ഘട്ടത്തിലെത്തി. അല്ലാഹുവിന്റെ ഔലിയാക്കലോടുള്ള ശത്രുത അല്ലാഹുവിന്റെ ശത്രുതക്ക് പാതീ ഭൂതരായി.അതിന്റെ പ്രതിഫലനമാണ് നാം കണ്ട് കൊണ്ടിരിക്കുന്നത്. കുറച്ച് പിന്നോട്ട് പോയി നോക്കിയാൽ ഇതിന്റെ അടിവേരുകൾ കണ്ടെത്താൻ സാധിക്കും,

  11. This is a stupid article, filled with partial observations, trying to be in the guise of impartiality. There are some basic ground rules to be laid out before you talk of such unity- So called leaders are to follow these:
    1. Stop spiritual exploitation.
    2. Admit mistakes if happened and correct them.
    3. Stop telling lies and justifying all stupidities of the leadership.
    4. Stop sexual abuse of boys in Samastha institutions
    5. Openly discuss and decide if it is ‘sacred hair’ or ‘fake hair’

  12. “വേശ്യയുടെ ചാരിത്ര്യ പ്രസംഗം …”എന്നതിന് തുല്യമായെ ഇതിനെ കാണാന്‍ ഒക്കൂ…
    അല്ലെങ്കില്‍ കുറഞ്ഞ പക്ഷം Shahbas Malik, Mohammed Iqbal Noori തുടങ്ങിയവരുടെ കമന്റ്സ് ഗൌരവത്തില്‍ എടുക്കുക…

  13. a
    DECEMBER 12, 2013 @ 10:35 AM
    Mudi varunnathinde mumpu ningal ap samasthaye angeegarichirunno////ശരി ആണ് അന്ഗീഗരിച്ചിട്ടില്ല…പക്ഷെ ഇന്ന് ഐക്യം സാധ്യമാകാന്‍ ഏറ്റവും വലിയ തടസ്സം ഈ വ്യാജ മുടി തെന്നെ ആണ്….

  14. ജുമുഅ ഭാഷ, സ്ത്രീ പള്ളി പ്രവേശനം, തറാവീഹ് റകഅത്, ഖുനൂത്, കൂട്ടപ്രാർത്ഥന, മഹാന്മാരുടെ ഖബര് സന്ദര്സനം, തവസുൽ, ഇസ്തിഗാസ, ബറക്കത് എടുക്കൽ, നബി ദിനാഘോഷം, മൌലിദ്, റാത്തീബ്, ഖുതുബിയത്, ഹദ്ദാദ്‌ എന്ന് തുടങ്ങി തിരുശേഷിപ്പുകൾ എങ്ങനെ കൈകാര്യം ചെയ്യണമെന്നു വരെ വിഷയങ്ങളിൽ പരസ്പരം യാതൊരു അഭിപ്രായ ഭിന്നതയും ഇല്ലെന്നിരിക്കെ, ഈ വിഷയങ്ങളെല്ലാം തന്നെ എല്ലാ പുത്തൻ വാദികളുമായി സംഘടനകള്ക്ക് അതീതമായി സുന്നി സമൂഹത്തിനു അഭിപ്രായ വ്യത്യാസം ഉണ്ടേന്നുമിരിക്കെ എന്തിനു വെറുതെ വെറും സംഘടനാ താല്പര്യം മാത്രം മുൻ നിരത്തി കലഹിക്കുന്നു – ദയവ് ചെയ്ത് ആ മർകസിൽ ഉള്ളത് ഒറിജിനൽ എന്ന് കരുതുന്നവർ അങ്ങനെയും അല്ലെന്നു കരുതുന്നവർ അങ്ങനെയും കരുതി ഈ ചര്ച്ച ഒന്ന് അവസാനിപ്പിക്കൂ – മുപ്പത്തി ഒമ്പത് തലമുറ മുകളിൽ ഉള്ള എന്റെ പ്രിയ വല്ലിപ്പാനെ (സ), മനുഷ്യരാശിയുടെ ആഗോള തലത്തിലുള്ള എല്ലാക്കാലത്തെക്കുമുള്ള നമ്മുടെ പ്രിയ നേതാവിനെ (സ) മുൻ നിർത്തി ഇതാ അഭ്യർഥിക്കുന്നു – നാം പരമ്പരാഗതമായി ഉത്തമ തലമുറകളിലൂടെ കൈമാറിക്കിട്ടിയ നമ്മുടെ പരിശുദ്ധ ദീനിനെ മുറുകെ പിടിക്കുക, പരസ്പരം സൌഹാർദ്ടത്തിൽ മുന്നേറുക, സംഘടനകൾ നമ്മുടെ പരസ്പര സ്നേഹത്തെയും ഐക്യത്തെയും ഇല്ലായ്മ ചെയ്യുന്നതിനെ കരുതിയിരിക്കുക, ആഹ്ലുസ്സുന്നത്തി വൽ ജമാഅത്തിന്റെ വാക്താക്കൾ ആവുക, സംഘടനകളുടെത് അല്ല – പടച്ചവൻ അനുഗ്രഹിക്കട്ടെ – ആമീൻ

  15. ഈ ലേഖകന്‍ സാക്ഷാല്‍ കള്ളം പറയുന്ന ആളുടെ ഗ്രൂപ്പ് കാരനാണ് …കള്ള മുടി കൊണ്ട് വന്നു ചൂഷണം ചെയ്യുമ്പോള്‍ ശ്ര്ധിക്കനമായിരുന്നു ഇതെല്ലാം ….ആ മുടി വലിച്ചെറിഞ്ഞു പാണക്കാട് സയ്യിടന്മാരുടെ അടുക്കല്‍ പോകാന്‍ പറയൂ ആദ്യം നിങ്ങളുടെ ശൈഖിനോദ് ….പിന്നെ വളരെ ശാന്തമായി നടന്നു കൊണ്ടിരിക്കുന്ന മഹല്ലുകളില്‍ ഫിത്ന ഉണ്ടാക്കിയത് കാന്തപുരത്തിന്റെ അനുയായികളാണ് …..മണ്ണാര്‍ക്കാട് കൊല്ല പ്പെട്ട രണ്ടു സഖാക്കള്‍ 1998ല്‍ ഒരു പാവപ്പെട്ട മനുഷ്യനെ തലക്കടിച്ചു കൊന്ന വരാന് ….ഈ കാര്യം ലേഖകന്‍ മാര്‍ച്ച് വെച്ച് നാടകം കളിച്ചു … സമസ്തയുടെ മഹാല്ലുകളില്‍ കുഴപ്പം ഉണ്ടാക്കല്‍ നിറുത്തി മാതൃ സംഘടനയിലേക്ക് തിരിച്ചു വരിക …..അല്ലാഹു നല്ല മനസ്സ് നലകട്ടെ …ആമീന്‍

  16. MANUSHYARKKU THETTU PATTUM ….SOBAVIKAM……BUT THETTENNU BODYAPETTAL THIRUTHUNNAVANU UNNATHAN ENNU MUTH NABI…………….MUDI KONDU VANNU….OK…….BUT…..THELIVUKAL PARAYUM THORUM VYAJAMENNU SADARANAKKARKKU BODYAPEDUNNU………….PINNEYUM ………..PINNEYUM……AP USTHAD KONDU VANNU ENNA KARANAM PARANCHU EE UMMATHINTE ETRA TIME ,,,,ETRA PANAM……WAIST AAKI NAMMAL…………NAMUKKU ONNAVAM……BUT MUDI ENTHU CHEYYUM???????????

  17. kalla sathiyangalum kallavadavum ,rasoolullahi (s.a) peril aropikkapetta kalla mudiyum valicherinju jeevidathil athippatta usthadinte mathirka sweekarikkoo ennittakam ee nanaketta upadesavum aikiya bodavaum.

    samsthayude mhanmaraya panditharude patha athanu 34 pandithanamr pidicha samstha. 40 alukalude party yil ninnum nalal poyalum 34 per pazhayath thanne. mudivellam kudikkathe chindikkuka allahu thoufeek cheyyatte ameen

    pookoya thangal ba-alavi (kicr chairman)

  18. @ latheef…മുസ്ലിം പൊതു മേഖല ഇന്ത്യയില വളരെ വിശാലമാണ്. കാന്തപുരം പ്രവര്ത്തിക്കുന്നത് നിങ്ങള്കെതിരെയല്ല. സമുദായത്തിന് വേണ്ടിയാണ്. ////ഞങ്ങള്ക് വേണ്ടത് സമാധാനപരമായി ദീനീപ്രവര്തനം നടത്താനുള്ള സാഹചര്യം മാത്രമാണ്.അതിനു നിങ്ങൾ തയ്യാറാവുക.ഞങ്ങൾ ആര്ക്കും എതിരല്ല/// ഞങ്ങളെ സംബന്ധിച്ചടത്തോളം എ പി വിഭാഗം ഒരു പാട് തരികിടകള്‍ സമുദായത്തില്‍ നടത്തിയുട്ടുണ്ട് എങ്കിലും വ്യാജ മുടി വിഷയത്തില്‍ ആണ് ശക്തമായി പ്രതികരിച്ചത്..അതിനുള്ള കാരണം ഇന്ന് ഞങള്‍ ആ വ്യാജ മുടിയെ സമൂഹത്തില്‍ തുറന്നു കാട്ടിയില്ലെങ്കില്‍ വരും തലമുറയും അത് തിരു കേശം ആണെന് വിശ്വസിക്കും..റസൂല്‍(സ) പേരില്‍ ഇങ്ങനെ ഒരു കളവു പ്രചരിപ്പിക്കാന്‍ ഞങ്ങള്‍ക്ക് സഹിക്കാന്‍ കഴിയില്ല…പിന്നെ വേറെ ഒരു കാര്യം താങ്കള്‍ പറഞ്ഞത് സമാധാനത്തെ കുറിച്ച്!!!!! ചേകന്നൂര്‍..ബലി പെരുന്നാള്‍ ദിവസം അബു…ഒട്ടനേകം മഹല്ലില്‍ താങ്കള്‍ പറഞ്ഞത് പോലെ ഖുതുബ ഓതാന്‍ സമ്മതിക്കാതെ നിന്നത്…കുറെ ഉണ്ടേ മാഷെ അങ്ങോട്ടും പറയാന്‍…അതൊന്നും പറഞ്ഞിട്ട് സമയം ചിലവക്കണ്ട…മണ്ണാര്‍ക്കാട് ആരാണ് കൊലപാതകം നടത്തിയത് എന്നും എന്തിനാണ് എന്നും ബുദ്ധിയുള്ളവര്‍ക്ക് മനസ്സിലായിട്ടുണ്ട്…വെറുതെ അതും ഇതും പറഞ്ഞാല്‍ പോര..സത്യം ആകണം….മുടി സത്യമാണ് എന്ന് മിനിമം നിങ്ങളുടെ എല്ലാ പണ്ടിതന്മാരെയും വിശ്വസിപ്പിക്കുക…അതിനു ശേഷം ഇങ്ങോട്ട് വന്നാല്‍ മതി…മുടിപള്ളി എടുക്കില്ല എന്ന് കാന്തപുരം പറഞ്ഞത് കൊണ്ട് ഇനി അതിനെ എതിര്‍ക്കുന്നതില്‍ ന്യായമില്ല..അത് ശരി ആണ്…

    • അതെ മി. ഷഹബാസ്,

      താങ്കള്കും താങ്കളുടെ സംഘടനക്കും അങ്ങിനെ വിശ്വസിക്കാൻ സ്വാതന്ത്ര്യമുണ്ട്, അത് പ്രചരിപ്പിക്കാനും സ്വാതന്ത്ര്യമുണ്ട്. അത് താങ്കള്കും താങ്കളുടെ സംഘടനക്കും ചെയ്യാം, ഞങ്ങൾ ആരും അതിനു എതിരല്ല. അതുപോലെ ഞങ്ങള്ക് അത് സത്യമാണ് എന്ന് വിശ്വസിക്കാനുള്ള സ്വാതന്ത്ര്യവും അനുവദിച്ചുകൂടെ? , അതിൽ എന്തിനാണ് താങ്കള് അസഹിഷ്ണുത കാണിക്കുന്നത്. അത് വ്യാജമാണ് എന്ന് നിങ്ങള്ക് പ്രചരിപ്പിക്കാം , അതേപോലെ അത് ഒറിജിനൽ ആണ് എന്ന് ഞങ്ങള്കും പ്രചരിപ്പിക്കാൻ അനുവദിക്കുക.

      പിന്നെ കാന്തപുരം ഭാഗത്ത്‌ നിന്ന് ആരെങ്കിലും അക്രമം കാനിച്ചുവെങ്കിൽ ഞങ്ങൾ അതിനെ പിന്താങ്ങുന്നില്ല. അത് സംഘടനയുടെ അജണ്ടയും അല്ല. അങ്ങിനെ അക്രമം കാണിച്ചവരെ ഞങ്ങൾ ഒറ്റപ്പെടുത്തുകയും അതിനെ തള്ളിപ്പറയുകയും ചെയ്യും, ചെയ്തിട്ടുണ്ട്. ഞങ്ങൾ അങ്ങിനെ അക്രമത്തെ പ്രോത്സാഹിപ്പിക്കുന്നുവെങ്കിൽ ഇന്ന് കേരളത്തിലെ അവസ്ഥ ഇങ്ങിനെയാവുമായിരുന്നില്ല. കൊലക്കു കൊല, പല്ലിനു പല്ല് കാലിനു കാലു, കത്തിക്കലിനു കത്തിക്കൽ എന്നാ തത്വം ഞങ്ങൾ പിന്പറ്റുന്നില്ല , ഞങ്ങൾ ഇന്ത്യയിലെ നിയമ നീതിന്യായ വ്യവസ്ഥക്ക് കീഴില ജീവിക്കുന്നവരും ജീവിക്കാൻ ആഗ്രഹിക്കുന്നവരും ആണ്. നിങ്ങളും അങ്ങിനെയാവണം എന്നാണു ഞങ്ങൾ പറയുന്നത്.

      മണ്ണാർക്കാട് കൊലയാളികൾ നിങ്ങളുടെ ആളുകള് അല്ല എങ്കിൽ , എന്തുകൊണ്ട് നിങ്ങൾ അവരെ തള്ളിപ്പറയുന്നില്ല. തളിപ്പറമ്പിൽ മദ്രസ്സ കത്തിച്ചവരെ എന്തുകൊണ്ട് തള്ളിപ്പറഞ്ഞില്ല, ബോംബു ഉണ്ടാക്കിയവർ ഞങ്ങളുടെ ആളുകളല്ല, എതിര് കക്ഷി ഞങ്ങളെ തേജോവധം ചെയ്യുകയാണ് എന്ന് എന്ത് കൊണ്ട് നിങ്ങളുടെ

      നേതാക്കൾ പ്രസ്ഥാവിച്ചില്ല,പോലീസ് പിടികൂടപ്പെട്ടവർ ഞങ്ങളുടെ ആളുകളല്ല , ഞങ്ങൾ എതിരാളികല്ക്കെതിരെ ശാരീരിക ഉന്മൂലനം എന്ന തത്വത്തിൽ വിശ്വസിക്കുന്നില്ല എന്ന് എന്തുകൊണ്ട് നിങ്ങളുടെ നേതൃത്വം പറഞ്ഞില്ല.

      ചുരുക്കത്തിൽ അന്ധമായ കാന്തപുരം വിരോധം മാത്രം അജണ്ടയായി നിങ്ങളുടെ സംഘടന 25 കൊല്ലമായി പ്രവര്ത്തിക്കുന്നു. ദയവു ചെയ്തു ഇനിയെങ്കിലും ഒന്ന് തിരിഞ്ഞു നോക്കുക, ഈ കാൽ നൂറ്റാണ്ട കാലം നിങ്ങൾ എന്ത് നേടി, സമുദായം നിങ്ങളിൽ നിന്ന് എന്ത് നേടി , അവിഭക്ത സമസ്ത ഉണ്ട്ടയിരുന്നപ്പോൾ ഉണ്ടായിരുന്നതല്ലാത്ത ഒരു ഒത്തു പള്ളിയെങ്കിലും നിങ്ങൾ സമുദായത്തിന് നല്കിയിട്ടുണ്ടോ?, (ഒരു വിനോദ ചാനൽ നല്കിയിടുന്ദ്) കോടിക്കണക്കിനു രൂപ ഓരോ വര്ഷവും മദ്രസ്സകളിൽ നിന്ന് പിരിചെടുക്കുമ്പോൾ പകരം സമുദായം എന്തെങ്കിലും തിരിച്ചും ആഗ്രഹിക്കില്ലേ?, വെറും തെറിവിളിയും അക്രമവും മാത്രം അജണ്ടയാക്കി ഒരു സംഘടന എത്രകാലം മുന്നോട്ട് പോവും, വിവേകം നശിചിട്ടില്ലത്തവർ ചിന്തിക്കുക.

      ഞങ്ങൾ നിങ്ങളുമായി ഒരു തര്ക്കതിനും ഇല്ല. ഞങ്ങള്ക് ഒരുപാട് ചെയ്യാനുണ്ട്.നമ്മുടെ സഹോദരങ്ങൾ ആസ്സാമിലും യുപിയിലും കേമ്പുകളിൽ നരകതുല്യ ജീവിതം നയിക്കുകയാണ് , അവര്ക്ക് ആശ്വാസം എത്തിക്കണം, ബംഗാളിലും ഒറീസയിലും ലാ ഇലാഹ ഇല്ലല്ലാഹ് എന്നാ കലിമ പോലും നേരായി ഉച്ചരിക്കാൻ അറിയാത്ത വിധം ജാഹിലിയ്യതിലാണ് സമുദായം, അവരെ ഉദ്ദരിക്കണം , വയന്ട്ടിലും അട്ടാപ്പടിയിലും കണ്ണൂരും തുടങ്ങിയ കേരളീയ മലയോരങ്ങളിൽ പാതിരിമാരുടെ കെണിയിൽ പെട്ട് ദീൻ നഷ്ടപ്പെടുത്തുകയാണ് പാവപ്പെട്ട സമുദായം ,അവര്ക് കഴിയുന്ന സഹായം എത്തിക്കണം, അങ്ങിനെ ഒരുപാട് ക്കാര്യങ്ങൾ ചെയ്യാനുണ്ട്. ദയവു ചെയ്തു നിങ്ങൾ വഴി മുടക്കരുത്. ഇതിനെല്ലാം കരമായി സഹായിച്ചിരുന്ന മണ്ണാർക്കാടെ സഹോദരങ്ങളെ പോലെയുള്ള മനുഷ്യ സ്നേഹികളെ കൊന്നുതള്ളി പാവങ്ങളുടെ അന്നം മുട്ടിക്കരുത്.

      സമുദായത്തിന് വേണ്ടി എന്തെങ്കിലും ക്രിയാത്മകമായി ചെയ്യാൻ ശ്രമിക്കുക , അല്ലെങ്കിൽ ചെയ്യുന്നവരെ അതിനു അനുവദിക്കുക. അത് മാത്രമാണ് എന്റെ അപേക്ഷ. നിങ്ങളുടെ വിശ്വാസം അതെന്താവ്ട്ടെ അത് മറ്റുള്ളവരുടെ വിശ്വാസ സ്വാതന്ത്ര്യത്തിനു എതിരാവരുത്. ലകും ദീനുകും വ ലിയ ദീൻ എന്നാ ഖുറാൻ വാക്യം അനുസ്മരിക്കുക.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s